Michael Getz
Michael Getz (15. januar 1816–13. august 1875) var ein norsk handelsmann og politikar frå Trondheim.
| Michael Getz | |
 | |
| Statsborgarskap | Noreg |
| Fødd | 15. januar 1816 Trondheim |
| Død |
13. august 1875 (59 år) |
| Yrke | handelsmannn, politikar |
| Språk | norsk |
| Michael Getz på Commons | |
Getz var son til ein kjøpmann i Trondheim. Sjølv var han handelsfullmektig i fødebyen. Han var i mange år medlem av bystyret i Trondheim, tidvis som ordførar. Getz var elles styreformann i den lokale sparebanken frå 1868 og medlem av styret i Noregs Bank frå 1869. I 1872 var han med i den skandinaviske komiteen som drøfta myntstellet, eit arbeid som resulterte i overgangen til kroner i myntsystemet i staden for dalar.
Getz representerte valkrinsen Trondhjem og Levanger på Stortinget både i 1865-66 og 1871-73, dessutan vart han vald til 1. representant frå same krinsen for perioden 1874-76. Grunna sjukdom møtte han korkje i 1873-sesjonen, eller seinare. Han var medlem av Lagtinget og sekretær i bankkomiteen både i 1865-66 og 1871-72. I tillegg var han medlem av jarnbanekomiteen i 1871-72 og med i Stortinget sin deputasjon til 1000-årsfeiringa i Haugesund sommaren 1872.
Sommaren 1875 døydde han under eit opphald på Sandvika fjellstue ved svenskegrensa i Verdal.
Kjelder
endre- Lindstøl, Tallak:Stortinget og Statsraadet 1814-1914. Kristiania, 1914