Opna hovudmenyen

Migdal (hebraisk מִגְדָּל) er ein by i Nordern distrikt i Israel. Han vart grunnlagd i 1910, og fekk lokal kommunestatus i 1949. I 2008 hadde han eit folketal på 1 627.[1]

Migdal
מִגְדָּל
lokal kommune
Namneopphav: Tårn
Land Flag of Israel.svg Israel
Distrikt Nord
Koordinatar 32°50′20.68″N 35°29′57.46″E
Areal 11,4 km²
Folketal 1 627 (2008) [1]
Folketettleik 143 / km²
Grunnlagd 1910
 - Bystatus 1949
Israel location map.svg
Locator Red.svg
Wikimedia Commons: Migdal (Israel)

Migdal ligg nær Ginosar og kring 8 km nord for Tiberias.[2] Byen ligg ved breidda av Genesaretsjøen med strendene Tamar, Ilanot og Arbel.

HistorieEndra

Byen er kalla opp etter den gamle byen Migdala Nunia (arameisk for «fisketårnet»), heimbyen til Maria Magdalena (Lukas 8:2), og ligg like vest for Genesaretsjøen langs vegen mellom Tiberias og Rosh Pina.[2]

 
Bilu-pionerar i Migdal i 1912.

I 1908 slo ei lita gruppe tyske katolikkar, som identifiserte staden som fødestaden til Maria Magdalana, seg ned der.[3] Dei drog derfrå etter eit år og landet vart kjøpt av russiske sionistar, som starta opp ein gard, Ahuzat Moskva (Moskvaeigedomen) i 1910. Denne busetanden låg nær den arabiske landsbyen Al-Majdal. Eit par år seinare vart landet seld til private investorar.[2] Ein arbeidsleir for Gdud HaAvoda-arbeidarar, som bygde vegen Tiberias-Rosh Pina, vart grunnlagd der i 1921.[4]

ArkeologiEndra

I september 2009 vart det utført ei redningsutgraving før bygginga av eit nytt hotell, og det vart avdekt ei gammal synagoge som var datert til år 50-100. Her fann arkeologane ein uvanleg stein med ei utskjering som synte ein sjuarma menora. Dette er den første av sitt slag som vart oppdaga frå tidleg i romartida. I tillegg vart det funne veggar dekorerte med lysfarga freskar.[5]

Sjå ògEndra

KjelderEndra

  1. 1,0 1,1 «Locality File» (XLS). Israelsk statistisk sentralbyrå. 2008. Henta 10. oktober 2014. 
  2. 2,0 2,1 2,2 About Migdal. Flags of the World
  3. Ancient Menorah
  4. Encyclopedia of Zionism and Israel Herzl Press and McGraw-Hill,New York 1971, Volume II, s. 784
  5. Ancient Synagogue Found in Migdal