Moltustranda

Moltustranda er ei kystbygd og ein tettstad med 450 innbyggjarar per 1. januar 2017 i Herøy kommune på Sunnmøre. Bygda ligg på nordsida av Gurskøya mot Herøyfjorden og er 7 kilometer lang frå ende til annan.

Moltustranda
stad
Land	Noreg
Fylke	Møre og Romsdal
Kommune	Herøy
Areal	0,58 km²
Folketal	450 (2017)
Folketettleik	776 / km²
Postnummer	6076 MOLTUSTRANDA
Moltustranda 62°17′36″ N 5°37′26″ E

Moltu Skule har 54 elevar frå 1-7. klassetrinn. På Moltustranda er det også ein Coop-butikk, med ein eigen sosial krok i butikken for folk som vil slå av ein prat.

Bygda har eige idrettslag, Moltustranda IL, der fotballen står sentralt. Fotballaget spelar i 5. divisjon, og klubben har også eit aldersbestemt lag. Idrettsanlegget heiter Munkvoll stadion, og består av ei grasbane og ei grusbane.

Ved sidan av Munkvoll stadion står grendahus i bygda, der innbyggarane kan ha sosiale samankomstar som julefestar, 17. mai-feiring, dansar, konsertar og bygdedagar. Moltustranda har også eit anna forsamlingshus, nemleg Bedehuset, med lokalitet midt i bygda.

Bygda hadde tidlegare eige skulekorps, men har det siste tiåret hatt skulekorps saman med nabobygdene.

Skrivemåten av namnet var tidlegare Moldtustranda med d.

Fv10 i Møre og Romsdal går gjennom bygda.

Kjende personar frå Moltustranda

• Forfattaren Bjarne Rabben

Kjelder

Denne geografiartikkelen som har med Møre og Romsdal å gjere, er ei spire. Du kan hjelpe Nynorsk Wikipedia gjennom å utvide han.