Mozjajsk (russisk Можа́йск) er ein by i Moskva oblast i Russland med om lag 30 000 innbyggjarar. Han ligg 110 km vest for Moskva, på den historiske vegen som fører til Smolensk og vidare til Polen.

Mozjajsk
Можайск
Horisonten til
Horisonten til
Flagget til Mozjajsk Byåpenet til Mozjajsk
Flagget til Mozjajsk Byvåpenet til Mozjajsk


Plassering
Mozjajsk is located in Russland
Mozjajsk is located in Moskva oblast
Styresmakter
Land Russland
Føderasjonssubjekt Moskva oblast
Første nemnt i
Bystatus
1231
1708
Geografi
Innbyggjarar
 - Totalt (2008)

30 888
Koordinatar 55°30′N 36°02′E / 55.500°N 36.033°E / 55.500; 36.033
Tidssone
- Ved sommartid
MSK (UTC+3)
MSD (UTC+4)
Diverse annan informasjon
Retningsnummer (tlf) +7 49638

Byen vart først nemnt i 1231 som tilhøyrande Tsjernigov. Seinare var han ei viktig festning for Smolensk-dynastiet. Byen vart erobra av Storfyrstedømet Moskva i 1303, men hadde i løpet av det neste hundreåret store problem med å forsvare han mot Algirdas av Litauen. Fyrstedømet vart vanlegvis heldt av ein yngre bror av den herskande storhertugen av Moskva, til praksisen vart droppa i 1493.

Den nye katedralen i Mozjajsk vart bygt 1802–1814.

Mozjajsk forsvarte framleis dei vestlege vegane inn mot Moskva under Napoelon sin invasjon av Russland og under den andre verdskrigen. Det store slaget ved Borodino i 1812 fann stad tolv kilometer frå byen.

Den første steinkatedralen vart bygt i byen sitt kreml tidleg på 1300-talet. I 1849 vart han plukka frå kvarandre stein for stein og så rekonstruert nøyaktig slik han tidlegare var. Ein større blodraud katedral i nygotisk stil vart fullført i 1814. Kyrkja til St. Joakim og Anna har bevart element frå tidleg 1400-talet. Eit anna viktig landemerke er Luzjetskijklosteret, grunnlagt i 1408 av St. Ferapont og gjenoppbygd i mustein på 1500-talet. Klosterkatedralen, bygt under Vasilij III sitt styre, var tidlegare kjend for sine fresker, tilskriven kretsen til Dionisij.

Kjelder endre

Bakgrunnsstoff endre

  Commons har multimedium som gjeld: Mozjajsk