Næra

Næra er ein innsjø som ligg i Ringsaker kommune i Innlandet. Han er 5 km lang frå nordvest til søraust, og på det breiaste om lag 1 km . Han har låge, langgrunne og mest skogkledde sider med nokre oppdyrka stader. Grunna dette og det milde været i Hedmark, har Næra gode badetemperaturar heile sommaren. I 2009 fekk sjøen ein ny varmerekord med 27,6 Celsius. Særleg i den vestlege delen er det ein del holmar. På vinterhalvåret kan det bli så solide kuldegrader at sjøen har så mykje som 2 meter solid islag. Frå april til og med september er innsjøen gjest til hekkande canadagjæser. I sjøen finst gjedde, åbor og ørekyt.

Næra
innsjø
Båtliv på Næra ved Næroset
Land	Noreg
Fylke	Innlandet
Kommune	Ringsaker
Høgd over havet	339 moh.
Areal	9,58 km²
Kystlengd1	33,73 km
Koordinatar	61°01′18″N 10°41′40″E
Næra 61.02167°N 10.69444°E / 61.02167; 10.69444
Wikimedia Commons: Næra
1 Kystlengd er eit unøyaktig mål som kanskje ikkje er standardisert for denne artikkelen.

Dei små elvane Mysuholta og Bøvra munnar ut i Næra. Sjøen har utløpet sitt i austenden og frå her renn vatnet gjennom Moelva ut i Mjøsa ved Moelv.