Niccolò Fontana Tartaglia
Niccolò Fontana Tartaglia (fødd 1499 i Brescia, død 13. desember 1557 i Venezia) var ein italiensk matematikar, ingeniør, landmåler og bokhaldar. Han publiserte mange bøker, inkludert dei første italienske omsetjingane av Arkimedes og Euklid. Tartaglia var den første som brukte matematikk til å studere banane til kanonkuler, og arbeida hans vart seinare stadfesta av studiet til Galileo av lekamar i fritt fall.
| Niccolò Fontana Tartaglia | |||
_Portretten_van_beroemde_Europese_geleerden_(serietitel)_Virorum_doctorum_de_Disciplinis_benemerentium_effigies_(serietitel),_RP-P-1909-4459.jpg) | |||
| Fødd | Niccolò Fontana ca. 1499 Brescia | ||
|---|---|---|---|
| Død | 13. desember 1557 Venezia | ||
| Nasjonalitet | Republikken Venezia | ||
| Område | matematikk | ||
| Yrke | matematikar, ingeniør | ||
Tartaglia fann løysinga av den generelle tredjegradslikninga og meddelte han etter oppmoding frå Girolamo Cardano. Då Cardano offentleggjorde løysinga, oppstod ein kraftig strid med offentlege disputasar og smedeskriftar.
Tartaglia var ein dugande matematikar og ingeniør og skreiv om ballistikk, festningsanlegg og bruken av dykkarklokker. Av verka hans finst Nova Scientia (1537), General trattato di numeri et misure (1556) og omsetjingane hans av Euklid og Arkimedes.
Kjelder
endre- Denne artikkelen bygger på «Niccolò Fontana Tartaglia» frå Wikipedia på bokmål, den 13. september 2011.
Bakgrunnsstoff
endre- Niccolo Fontana Tartaglia - MacTutor History of Mathematics archive