Nikolaj K. Kruglov

Nikolaj Konstantinovitsj Kruglov (russisk: Николай Константинович Круглов) (fødd 31. januar 1950) er ein sovjet-russisk, tidlegare skiskyttar frå landsbyen Krasnyj Mys i Nizjegorod oblast, som representerte Sovjetunionen. Han vart verdsmeister på 10 km i 1975 og olympisk meister på 20 km året etter. Mellom 1974 og 1977 vann han to VM-gull og eitt OL-gull med sovjetiske stafettlag. Han er far til skiskyttaren Nikolaj N. Kruglov.

Nikolaj K. Kruglov
Statsborgarskap	Sovjetunionen, Russland
Fødd	31. januar 1950 (74 år) Krasny Mys
Yrke	skiskyttar, trenar
Språk	russisk
Høgd	171 centimeter

Aktiv

Kruglov deltok i sitt fyrste verdsmeisterskap i 1974. Etter å ha vorte beste sovjet-løpar på 10 km, fekk han æra av å gå Sovjetunionen inn til gullmedalje i 4 x 7,5 km stafett. Året etter vart han verdsmeister på 10 km i italienske Antholz, og kom på sølvplass i dei to andre VM-øvingane. Under Vinter-OL 1976 i Innsbruck vann han 20-kilometeren, og gjekk tredje etappen på Sovjetunionen sitt stafettlag som vann framom Finland og DDR.

Kruglov fekk sølvmedaljen på 10 km under VM i skiskyting 1977 på Vingrom, slått einast av landsmannen Aleksandr Tikhonov. Seinare i meisterskapen gjekk Kruglov inn til sitt tredje internasjonale stafett-gull. To år etterpå tok Kruglov under VM i 1979 sin tiande og siste VM- og OL-medalje då Sovjetunionen fekk bronsen i stafetten. Alle dei fem stafettmedaljane sine tok han på lag med Aleksandr Tikhonov.

Medaljar og besteplasseringar i internasjonale meisterskap

• VM i skiskyting 1974 i Minsk: Gullmedalje i stafett, nr 6 på 10 km
• VM i skiskyting 1975 i Antholz: Gullmedalje på 10 km, sølvmedalje både på 20 km og i stafett
• Vinter-OL 1976 i Innsbruck: Gullmedalje både på 20 km og i stafett
• VM i skiskyting 1976 i Antholz: Bronsemedalje på 10 km
• VM i skiskyting 1977 i Vingrom: Gullmedalje i stafett og sølvmedalje på 10 km
• VM i skiskyting 1978 i Hochfilzen: Nr 5 på 20 km
• VM i skiskyting 1979 i Ruhpolding: Bronsemedalje i stafett, nr 14 på 10 km

Kjelder

• Sportsboken, aktuelle årgangar

• Denne artikkelen bygger på «Nikolaj K. Kruglov» frå Wikipedia på bokmål, den 25. november 2013.