Opna hovudmenyen

Nils Christie

norsk sosiolog og kriminolog

Nils Christie (24. februar 192827. mai 2015)[1] var ein norsk professor i kriminologi frå Oslo.

Nils Christie
Nils Christie at Third Annual Death Penalty Symposium 2007 (cropped).jpg
Fødd24. februar 1928
Oslo
Død27. mai 2015
Oslo
NasjonalitetNoreg
Yrkekriminolog, sosiolog, professor, faglitterær forfattar
InstitusjonarUniversitetet i Oslo
Københavns Universitet
EktefelleHedda Giertsen
MedlemDet Norske Videnskaps-Akademi
Kungliga Vetenskapsakademien

Nils Christie tok magistergraden i sosiologi i 1953 og var dosent i kriminologi frå 1959. Han vart dr.philos. i 1960 og professor i kriminologi i 1966. Han skreiv den sosiologiske avhandlinga si om unge lovbrytarar og korleis samfunnet skil mellom kva som er kriminalitet og ikkje. I mange år var han styrar ved Institutt for kriminologi og strafferett ved Universitetet i Oslo.

Christie skreiv ei rekkje bøker og var ein ivrig deltakar i samfunnsdebatten om kriminalitet, straff og rettsvesen. Fleire av bøkene hans er også omsette til andre språk, som Pinens begrensning (1981), Den gode fiende (1984, saman med Kettil Bruun), Kriminalkontroll som industri. Mot GULAG, vestlig type? (1993) og En passende mengde kriminalitet (2004). Han var talsmann for å leggje om narkotikapolitikken, og tok mellom anna til orde for legalisering av cannabis. Sentrale tema i forskinga hans var fengsel, konflikt og kriminalitetskontroll.

Nils Christie vart tildelt Fritt Ord-prisen i 2001. I 1996 vart han utnemnd til æresdoktor ved Københavns Universitet.

Han var gift med kriminolog Hedda Giertsen.

Christie omkom etter å ha kollidert på sykkel med ein trikk i Oslo.[2]

KjelderEndra

  • «Nils Christie» på Wikipedia på bokmål, innhenta 4. januar 2010.
  • Knut Olav Åmås [red.]: «Christie, Nils» av Magne Lerø i Hvem er hvem? (Aschehoug, 2008).
  1. «Nils Christie død: – En bauta er borte», www.vg.no (på norsk), 28. mai 2015, henta 12. januar 2019 
  2. Riaz, Wasim, «To eldre menn omkom i Oslo-trafikken i mai», Aftenposten (på bokmål), henta 12. januar 2019 

BakgrunnsstoffEndra