Nils Jacobsen Molland
Nils Jacobsen Molland (30. september 1854–24. juli 1910) var ein skipper, skipsreiar, gardbrukar og politikar frå Landvik i Aust-Agder. Han var stortingsmann 1903-06 frå Nedenes amt.
| Nils Jacobsen Molland | |
| Statsborgarskap | Noreg |
| Fødd | 30. september 1854 Landvik kommune |
| Død | |
| Yrke | politikar, reiar |
Molland var son til ein skipper og gardeigar. Han tok styrmannseksamen i 1874 og reiste same året til Frankrike for å lære fransk. Frå 1876 var han skipper og dessutan gardbrukar på Molland. I 1896 slutta han sjøen og var i staden skipsreiar og gardbrukar på heiltid. Frå 1904 var han også administrerande direktør i Grimstad fraktassuranseselskap.
Molland var ordførar i Landvik herad 1899-1904, og også ordførar i forstandarskapet til den lokale sparebanken. Perioden 1903-06 var han stortingsrepresentant frå Nedenes amt og partiet Høgre, medlem i Næringskomite nr 2. Han var av velferdsgrunnar permittert både delar av 1903/04-sesjonen og 1905/06-sesjonen, samt heile 1904/05-sesjonen.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Nils Jacobsen Molland NSD Norsk senter for forskningsdatas politikararkiv