CC Amfi

	CC Amfi
	;
Kallenamn	Hamar Olympiske Amfi; Hamar OL-Amfi
Adresse	Kornsiloveien 54; 2316 Hamar
Eigar	Hamar Olympiske Anlegg AS
Drift	Hamar Olympiske Anlegg AS
Brukarar	Storhamar Dragons
Underlag	Is
Kapasitet	7 500, men kan halde over 8 000
Arkitekt	Ola Mowé, HRTB AS
Pris	83 millionar NOK (1992)
Historiske årstal
Hendingar
	Vinter-OL 1994; Idrettsgallaen 2002; Idrettsgallaen 2003; Idrettsgallaen 2004; Idrettsgallaen 2006; Idrettsgallaen 2007; Idrettsgallaen 2008; Idrettsgallaen 2009; Idrettsgallaen 2010; Idrettsgallaen 2011

CC Amfi, tidlegare Hamar Olympiske Amfi, Nordlyshallen, er ein ishall ved sida av Storhamar Ishall på Hamar. Hallen vart opna 6. desember 1992, som den 26. ishallen i Noreg. Han vart bygd for å huse kortbaneløp og kunstløp under OL på Lillehammer, og har etter det vore heimearena for ishockeyklubben Storhamar Dragons. Tilskodarrekorden vart sett i den avgjerande sluttspelfinalen mellom Storhamar og Vålerenga 28. mars 2004, med 7 405 tilskodarar til stades.

Greiner under vinter-OL 1994

To av i alt tolv greiner vart avvikla i Hamar ALTE-Amfi i 1994:

Etter OL

Storhamar Dragons og bedriftsidrettslag er dei jamne brukarane av ishallen. Lokale bandyklubbar nyttar hallen ved ismangel andre stader i distriktet.

I 1999 vart nokre av dei innleiande kampane i handball-VM for kvinner spelte i hallen. Han er òg vorte brukt når Noreg har arrangert internasjonale ishockeyturneringar, blant anna ishockey-VM i 1999.

Utanomsportslege arrangement

Den direktesende Idrettsgallaen vert årleg, i byrjinga av januar, skipa til i Nordlyshallen. Hallen blir òg brukt som konsertarena og har hyst konsertar med mellom andre Fats Domino, Little Richard, Willie Nelson og José Carreras.

Byggteknisk

Nordlyshallen er den største trebygningen i Nord-Europa og den største bygningen i verda i brannsikkert tre. Entreprenør var Martin M. Bakken. Golvflata er på 1 800 km². Hallen har i dag VIP-fasilitetar til ca. 50 personar.

Byggeprosessen starta hausten 1991 på grunnen til den dåverande fotballbanen ved sida av Storhamar Ishall. Ei ny erstatning for fotballbanen vart anlagt på Prestrud like ved ishallane. I løpet av 14 månader stod hallen ferdig.