Noregsmeisterskapen i fotball for menn 1905

4. NM i fotball for menn
Sesong	1905
Tittelforsvarar	Odd
Finaledato	10. september
Vinnar	Odd (3. tittel)
Finalist	Akademisk Fodboldklub
Lag i alt	4
Kampar	3
Mål	7 (2.33 pr kamp)
Finaleresultat	Odd - Akademisk Fodboldklub 2-1
Arena	Gamle Frogner stadion
Finaledommar	Arthur Nordlie, Lyn
Tilskodarar	3000
	← 1904 1906 →

Noregsmeisterskapen i fotball for menn 1905 vart vunnen av Odd etter finalesiger 2-1 over Akademisk Fodboldklub den 10. september. 3000 tilskodarar såg kampen som vart spelt på Gamle Frogner stadion i Kristiania. Dommar var Arthur Nordlie, Lyn.
Dette var tredje gongen Odd vann ein noregsmeisterskap.

Odds vinnarlag: Andrew Johnsen, Guttorm Hol, Erling Jensen, Bernhard Halvorsen, Fridtjof Nilsen, Ingvald Ustad, Peter Hol, Johan Nilsen, Øivind Gundersen, Berthold Pettersen, Daniel Gasmann.

Akademisk FKs: Michael Kaas, Oskar Strugstad, Alf Killen, Henning Wiese, Erling Lorck, Kristian Wiese, Thorvald Torgersen, Alf Bang, Nikolai Ramm Østgaard, Waldemar Lie, Severin Heyerdahl.

Avviklinga av meisterskapen

På tinget til Norges Fotballforbund i april 1905 vart det avgjort at berre éin klubb frå kvart distrikt (krins) kunne delta i noregsmeisterskapen.^[1] På dette tidspunktet fanst det berre éin krins (Smaalenenes krets), men i løpet av sommeren vart det stifta krinsar i Vestfold (alle klubbane frå Grenland til Drammen) og Oplandene. Odd slo Urædd om retten til å representere Vestfold, Fredrikstad slo Sarpsborg i Østfold, medan Eidsvold IF vart plukka ut frå indre austland utan at nokre kvalifiseringskampar var arrangerte.^[2] Kristiania krets vart stifta først etter at meisterskapen var halden, men hovudstaden var likevel representert av Akademisk Fodboldklub, som vann ei kvalifiseringsturnering med fem lag.^[2]

Meisterskapen vart arrangert på Gamle Frogner stadion 9. og 10. september. Det hadde regna kraftig i forkant, og finalen vart i Norsk Idrætsblad omtalt som «den mest storslagne vandpantomime, man kunde tænke sig».^[2]

Semifinalar

9. september

Akademisk FK – Fredrikstad 3-0
Odd – Eidsvold 1-0

Finale

10. september

Odd – Akademisk FK 2-1

Kjelder

www.rsssf.com

↑ Peder Chr. Andersen (1927). Norges Fotballforbund gjennem 25 år. Oslo. s. 45-46.
↑ ^2,0 ^2,1 ^2,2 Andersen, Espen (2007). Det store gjennombruddet. Norsk fotballs kulturhistorie 1885-1925. Oslo. s. 217-225. ISBN 9788250204102.

[1] Peder Chr. Andersen (1927). Norges Fotballforbund gjennem 25 år. Oslo. s. 45-46.

[Andersen-2] 2,0 ^2,1 ^2,2 Andersen, Espen (2007). Det store gjennombruddet. Norsk fotballs kulturhistorie 1885-1925. Oslo. s. 217-225. ISBN 9788250204102.

[1]

[2]