Odd Grythe

Odd Horn Grythe (fødd 14. november 1918 på Lillehammer, daud 7. februar 1995 i Oslo) var ein norsk journalist og filmmedarbeidar.

Odd Grythe
Statsborgarskap	Noreg
Fødd	14. november 1918 Lillehammer kommune
Død	7. februar 1995 (76 år) Oslo
Yrke	journalist, programleiar, manusforfattar, programsekretær, radioprogramleiar
Politisk parti	Arbeidarpartiet
Ektefelle	Ada Haug, Kirsten Sørlie
Born	Hilde Grythe
Prisar	Humanistprisen
Odd Grythe på Commons

Karriere

Grythe vart tilsett i NRK i 1958 som programleiar, først i radio og frå 1961 i fjernsynet, der han arbeidde til 1986. Han leidde Melodi Grand Prix 1960 saman med Erik Diesen i februar 1960 og deretter opningsshowet til fjernsynet, Startskuddet som gjekk i august same år. Deretter var han å sjå i programmet På direkten.

Grythe var programleiar for dei seks første utgåvene av Melodi Grand Prix. I 1960 og 1961 leidde han finalen saman med Erik Diesen, medan han leidde sendingane åleine i 1962, 1963, 1964 og 1965.

Grythe vert nok hugsa best som mangeårig programleiar for programserien Husker du?, som vart sendt på 1970- og 1980-talet, der eldre vart underhaldne i studio og via fjernsyn med songar og underhaldning frå tidlegare tider. I 1981 var han programleiar for spørreleiken Fem rette.

Han var gift første gong med regissøren Kirsten Sørlie og andre gong med NRK-programleiaren Ada Haug. Med Sørlie fekk Grythe dottera Hilde Grythe, som er skodespelar.

Bøker

• 1988 – Dette husker jeg... I fulltekst ved nb.no

Filmar

• 1988: Folk og røvere i Kardemomme by – Musikklærer Andersen
• 1959: Jakten
• 1958: Salve Sauegjeter

Kjelder

• Denne artikkelen bygger på «Odd Grythe» frå Wikipedia på bokmål, den 20. april 2019.