Olai Eikeland
Olai Ingemar Eikeland (23. juli 1915–14. april 2003) var ein gardbrukar frå Vennesla, aktiv politikar for Senterpartiet.
| Olai Eikeland | |||
| Fødd | 23. juli 1915 Vennesla | ||
|---|---|---|---|
| Død | 14. april 2003 (87 år) | ||
| Statsborgar av | Noreg | ||
| Parti | Senterpartiet | ||
| Yrke | politikar, bonde | ||
| Alle verv |
| ||
Eikeland var son til ein gardbrukar og dreiv sjølv gard frå 1935 til 1980. Han var mykje aktiv i styringa av ymse landbrukstiltak, såleis var han styreformann 1945-55 i Vennesla Meieri og 1958-69 i Agder kjøpelag. Periodane 1953-58, 1961-75 var han formann i Vest-Agder bondelag.
Eikeland engasjerte seg òg i partipolitikk og var medlem i Vennesla kommunestyre 1947-51 og 1954-75. Deretter var han formann 1975-83 for bygningsrådet i Vennesla. Stortingsperioden 1958-61 var Eikeland fyrste varamann til Tinget frå Vest-Agder, møtte tidvis på Stortinget. Hausten 1961 vart han vald inn på Stortinget for Senterpartiet i Vest-Agder. Ugreie med valavviklinga i fylket, gjorde at det vart halde omval vinteren 1962. Omvalet skipla ikkje mandatfordelinga i Vest-Agder, så Eikeland kunne halde fram med fast tingsete. Han var medlem i Landbrukskomiteen.
Etter han gjekk ut av kommunestyret i Vennesla i 1975, vart Eikeland vald inn i fylkestinget i Vest-Agder og sidan attvald i 1979, dermed vart han verande fylkestingmedlem i åtte år, 1976-83.
Elles var Eikeland medlem i Synodestyret til Den evangelisk-lutherske frikyrkja 1951-59 og 1970-71. Fireårsbolken 1963-67 var han styremedlem i Direktoratet for vilt og ferskvannsfisk.