Olav Christopher Jenssen
Olav Christopher Jenssen (fødd 2. april 1954 på Sortland) er ein norsk biletkunstnar.
| Olav Christopher Jenssen | |
| Statsborgarskap | Noreg |
| Fødd | 2. april 1954 (70 år) Sortland |
| Yrke | fotballspelar, kunstmålar, universitetslærar, bilethoggar, teiknar |
| Olav Christopher Jenssen på Commons | |
Han tok utdanning ved Statens handverks- og kunstindustriskole og Statens kunstakademi i Oslo. Han spela elles fotball for fotballaga Lillestrøm og Lyn på 1970-talet.[1]
Jenssen er rekna som ein av dei mest respekterte nolevande norske kunstnarane, med ein betydeleg internasjonal karriere. Han har i ei årrekkje budd og arbeidt i Berlin, og i åra 1996 til 2003 var han professor i målarkunst ved Hochschule für Bildende Künste i Hamburg. I 1992 vart han vald ut til å stille ut ved den prestisjefylte utstillinga documenta i Kassel i Tyskland. Han var festspelutstillar i Bergen i år 2000. Måleriserien «Lack of Memory» (1992) vart kåra til eit av Morgenbladets 12 viktigaste kunstverk.
Av norske museum er det Nordnorsk Kunstmuseum som har den største samlinga av kunsten til Jenssen, etter at kunstnaren donerte 95 verk til museet i mars 2014. Verka blei viste fram i utstillinga Donasjonen i perioden 15. mars–1. juni 2014.
Prisar og utmerkingar
endre- 2002 – Henrik Steffens-prisen
- 2015 – ridder av 1. klasse av St. Olavs Orden «for sin innsats som kunstner.»[2]
Kjelder
endre- ↑ nrk.no Abstrakt natur
- ↑ «Utnevnelse til St. Olavs Orden», Kongehuset, 7. april 2015. Lest 8. april 2015.
- Omsett frå Wikipedia på bokmål, innhenta måndag 4. januar 2010, og 8. februar 2019.
Bakgrunnsstoff
endre- Artfacts.net
- Galleri Riis Jenssens galleri i Oslo.
- Store Norske Leksikon om Jenssen.