Ole Christian Andersen Nøstvig
Ole Christian Andersen Nøstvig (10. juni 1782–3. juni 1852) var ein norsk gardbrukar og stortingsmann frå Velfjord i Nordland.
Ole Christian Andersen Nøstvig | |
Statsborgarskap | Noreg |
Fødd | 10. juni 1782 |
Død | |
Yrke | politikar, bonde |
Språk | norsk |
Far hans var gardbrukar i Velfjord. Sjølv tok han over farsgarden i 1804 og dreiv denne i lang tid. I 1838 vart han vald inn i det fyrste heradsstyret og var ordførar i fleire år. Også fleire år som forlikskommissær og valmann.
Nøstvig representerte Nordlands amt på Stortinget 1830-37 og 1842-45. Til Stortinget 1827 og 1828 var han 1. varamann, og møtte på omframstortinget 1828 frå 3. juni. Både i 1830, -33, -36, -42- og -45 var han medlem av kyrkjekomiteen, på omframstortinget 1836-37 av kyrkjekomite nr 2. Elles var han 1830 og -33 medlem av matrikkelkomiteen, 1833 av komiteen om tiend i Finmarken, 1836, 1836-37 og 1845 av valkomiteen samt medlem av Lagtinget 1836, 1836-37, 1842 og 1845. I 1836 var han medlem av riksretten mot Severin Løvenskiold.
Han døydde på garden sin Velfjord i 1852 «af langvarig Sygdom».
Kjelder endre
- Lindstøl, Tallak:Stortinget og Statsraadet 1814-1914. Kristiania, 1914