Ole Schrøder

Ole Schrøder (3. april 1834–23. mars 1892) var ein norsk jurist, embetsmann og politikar, fødd i Tønsberg.

Ole Schrøder
Fødd	3. april 1834 Tønsberg
Død	23. mars 1892 (57 år)
Statsborgar av	Noreg
Parti	Høgre
Yrke	politikar, advokat
Barn	Hans Schrøder
Alle verv	stortingsrepresentant (1877–1879) ordførar i Arendal (1872–1878) ordførar i Arendal (1880–1884) vararepresentant til Stortinget (1872–1873) vararepresentant til Stortinget (1874–1876) stortingsrepresentant (1880–1882) stortingsrepresentant (1883–1885) vararepresentant til Stortinget (1886–1888) byfogd

Far til Schrøder var sorenskrivar. Sjølv vart han student i 1851 og cand. jur. i 1856. Frå 1859 var han overrettssakførar i Arendal, i 1884 vart han byfut i same byen.

Schrøder var ordførar i Arenda] 1872-78 og 1880-84, og direktør i den lokale sparebanken 1875-86. Elles ei rekke kommunale verv.

På Stortinget 1877-87 representerte Schrøder byane Arendal og Grimstad på Stortinget. Perioden 1877-85 var han 1. representant for valkrinsen, dei siste to åra møtte han som varamann. Han vart friteken for å møte i 1888, og det vart då halde nytt val. 1877-85 var han medlem av næringskomite nr 1, sidan sat han i pensjonskomiteen.

Schrøder døydde i Arendal i 1892.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Ole Schrøder NSD Norsk senter for forskningsdatas politikararkiv