Orinocobrua

Orinocobrua, òg kalla den andre kryssinga av Orinoco, er ei kombinert veg- og jernbanebru over Orinoco få kilometer sørvest for Ciudad Guayana i Venezuela. Ho vart opna den 13. november 2006. Før bygginga av Orinocobrua var Angosturabrua omkring 100 km lengre oppstraums ved Ciudad Bolívar einaste brua over Orinoco. Angosturabrua er frå 1967.

Orinocobrua
Puente Orinoquia
2PuenteSobreElOrinoco.jpg
Typeveg- og jarnbanebru
StadCiudad Guayana
Opna13. november 2006
Lengd3 156 meter
Fri høgd41 m
Største spenn300 m
KryssarOrinoco
UtformingSkråkabelbru

Orinocobrua
8°16′24″ N 62°53′2″ W

På staden som vart valt som kryssingspunkt er elva tre kilometer brei og det finst to skipsrenner som er skilt med ei lita øy som kjem opp i sesongen med lågvatn. Gjennomsnittleg vassflyt i elva her varierer mellom 66 000 m³/s og 85 000 m³/s, med ei fart på ca. 2,6 m/s. Den sesongmessige variasjonen i vasstanden er 12,5 meter.

Brua er ei 3156 meter lang skråkabelbru med ei total strukturlengd inkludert påkjøringsramper og sidespenn på ca. 4,5 kilometer og ho ber fire vegfelt som er separert med eit einskild jernbanespor i midten. Brua er konstruert med to 300 meter lange hovudspenn som begge er festa i eit landkar på øya i midten, seglingshøgda på maksimal vasstand er 41 meter. Det finst totalt fire H-forma betongsøyler som feste for kablane, kvar søyle er 120 meter høg.

Orinocobrua vart bygd for å lette for trafikken over Angosturabrua og for gje eit meir direkte samband mellom delstaten Anzoátegui og den vektige industribyen Ciudad Guayana i Guayana-regionen. Spesielt var omsynet til å gje jernbanesamband for frakt av tunge industriprodukt frå Ciudad Guayana til utskipingshamnar på karibiakysten. Dette kan supplere og erstatte elvefrakt på Orinoco, ein trafikk som er hindra av stadige avsettingar som må mudrast i skipskanalane. I tillegg vil brua styrkje transportruter mellom Venezuela og Brasil. Det kan vere ei årsak til at president Lula da Silva i Brasil vart med på opningsseremonien saman med presidenten i Venezuela, Hugo Chávez.

KjelderEndra