Otto Struve
Otto Struve (12. august 1897–6. april 1963) var ein russisk-amerikansk astrofysikar, frå 1921 i USA.
| Otto Struve | |||
 Otto Struve på eit amerikansk frimerke frå 1949 | |||
| Fødd | 12. august 1897 Kharkiv i Det russiske imperiet | ||
|---|---|---|---|
| Død | 6. april 1963 (65 år) Berkeley i USA | ||
| Nasjonalitet | amerikansk | ||
| Område | astronomi | ||
| Yrke | astronom | ||
| Institusjonar | University of Chicago Universitetet i California | ||
| Alma mater | Kharkiv universitet | ||
| Medlem | Royal Society American Academy of Arts and Sciences Koninklijke Nederlandse Akademie van Wetenschappen Den internasjonale astronomiske unionen American Astronomical Society Det franske vitskapsakademiet Kungliga Vetenskapsakademien National Academy of Sciences | ||
Struve utførte fleire banebrytande arbeid innafor stjernespektroskopi, med undersøkingar over abnorme stjernespektrum, dobbeltstjerner, roterande stjerner og interstellar materie. Han publiserte mange populærastronomiske artiklar, og bøkene Stellar Evolution (1950) (saman med V. Zeberg), Elementary Astronomy (1959), The Universe (1961) og Astronomy of the 20th Century (1962).
Struve var professor i Chicago frå 1932 til 1950. Han var direktør for Yerkes-observatoriet 1932 til 1947, og frå 1939 til 1947 òg direktør for McDonald-observatoriet i Texas, som han grunnla, og frå 1950 til 1959 professor ved University of California, Berkley. Frå 1959 til 1963 var han direktør for det nye National Radio Astronomy Observatory i Vest-Virginia.
Kjelder
endre- «Otto Struve», Store norske leksikon, 15. februar 2009, henta 13. august 2014
