Opna hovudmenyen

University of Chicago er eit privat forskingsbasert universitet i Chicago i Illinois. Lærestaden har òg campusar i London, Paris og Singapore. Universitetet var i 2008 på åttande plass globalt på Times si liste over dei beste universiteta i verda.[1]

University of Chicago
Towers of the Main Quadrangle of the University of Chicago (seen from Midway Plaisance).jpg
Grunnlagt1890
Typeprivat
StadChicago
Koordinatar41°47′ N 87°36′ WKoordinatar: 41°47′ N 87°36′ W
Studentar11 730 (2006)
Tilsette1 630 (2006)
Nettstadwww.uchicago.edu
Graduate School of Business.
Robie House, teikna av arkitekten Frank Lloyd Wright.


Innhaldsliste

Historie og utviklingEndra

Universitetet har siden det vart grunnlagt av John D. Rockefeller i 1890 utmerkt seg som ein av dei fremste forskingsinstitusjonane i verda, og berre Cambridge har fostra fleire nobelpris-vinnarar enn University of Chicago.

I 1894 – 1904 var John Dewey tilsett ved University of Chicago der han forma tankane sine i ein empirisk teori om pragmatisme. Universitetet var ein sentral institusjon i utviklinga av atombomba under andre verdskrigen. Den italienske fysikaren Enrico Fermi deltok i Manhattanprosjektet og var tilsett ved universitetet. Arkeologen James Henry Breasted utvikla amerikansk egyptologi og studiar av Midtausten i oldtida ved University of Chicago frå 1894.

Forskarar frå universitetet har dominert samfunnsøkonomisk vitskap, med professorar som Milton Friedman, Gary Becker og George Stigler.

Skular og avdelingarEndra

Skulane ved University of Chicago er:

  • College of the University of Chicago (1892)
  • University of Chicago Divinity School
  • University of Chicago Booth School of Business (1898)
    • Becker Center on Chicago Price Theory
    • Center for Decision Research
    • Center for Population Economics
    • Center for Research in Security Prices (CRSP)
    • George J. Stigler Center for the Study of the Economy and the State
    • Institute of Professional Accounting
    • Michael P. Polsky Center for Entrepreneurship
    • James M. Kilts Center for Marketing
  • Harris School of Public Policy Studies (1975)
    • Center for Human Potential and Public Policy
    • Center for Policy Practice
    • Center for Social Program Evaluation
    • Cultural Policy Center
  • University of Chicago Law School (1902)
  • Pritzker School of Medicine (1927)
  • School of Social Service Administration (1920)

Forsking og ressursarEndra

Graduate School of Business oppnår ekstremt høge rangeringar fagleg, som regel blant dei to-tre høgaste blant business-skular i USA. Forskarar og forelesarar her omfattar nobelprisvinnarar som Milton Friedman, Gary Becker, Robert Fogel, George Stigler og Myron Scholes. Tidlegare studentar omfattar Oracle-gründer Larry Ellison.

Blant tidlegare studentar ved Law School finn me dei tidlegare justisministrane John Ashcroft og Ramsey Clark og James B. Comey, medan president Barack Obama har forelese her i fleire år. School of Social Service Administration vert òg rangert heilt i toppen blant amerikanske universitet innan utdanning av sosialarbeidarar.

Skulepengane ved University of Chicago var US$ 34 005 i 2006, eit nivå som låg over semesteravgifta ved t.d. Harvard University.

Yerkes-observatoriet i Wisconsin har det største refraktor-teleskopet i verda.

Biblioteka ved University of Chicago har 7,364 millionar titlar, som gjer det til det syttande største biblioteket i USA (2006).[2]

KjelderEndra

  1. Times – THES QS Top Universities, 201-300.
  2. American Library Association, The World Almanac side 404.

BakgrunnsstoffEndra