Ove Andersen
Ove Andersen (5. mai 1878–21. juni 1928) var ein norsk høgsterettsadvokat frå Arendal. Han var stortingsrepresentant 1924-28 for partiet Høgre.
| Ove Andersen | |||
| Fødd | 5. mai 1878 Arendal | ||
|---|---|---|---|
| Død | 21. juni 1928 (50 år) | ||
| Statsborgar av | Noreg | ||
| Parti | Høgre | ||
| Yrke | politikar, advokat, dommar | ||
| Far | Ove S. Andersen | ||
| Alle verv |
| ||
Andersen var son til ein sorenskrivar og utdanna seg til cand.jur. i 1901. Frå 1903 til -10 var han overrettssakførar i Arendal, sidan høgsterettsadvokat. I november 1926 vart han utnemnd til sorenskrivar i Nedenes, men døydde før han tiltrædde embetet.
Andersen var medlem av bystyret i Arendal frå 1910 til han døydde, åra 1919-24 var han ordførar for byen. Hausten 1924 vart han vald til stortingsmann frå dei åtte kjøpstadene i Telemark og Aust-Agder, attvald tre år seinare. Den fyrste tingperioden var han ein av Høgre sine representantar i Utanriks- og konstitusjonskomiteen, medan han i 1928 var medlem i Justiskomiteen.
Kjelder
endre- Stortingsbiografi Arkivert 2018-07-09 ved Wayback Machine.