Papirkniv

Papirkniv er ein kniv med uskarp egg ein kan bruka til å opna brev, spretta opp uoppskorne bøker eller folda papir med og liknande. Slike knivar kan vera av ulike materiale som tre, metall, plast, bein eller elfenbein. Ofte er skaftet meir dekorert enn bladet. Nokre moderne papirknivar har uttrekkbare blad i eit skaft av plast.

Papirkniv av bein med hornskaft, frå Indonesia.

Opning av konvolutt med papirkniv.

Slike knivar var vanlegare å bruka då bøker ofte blei selde med sider som var blitt folda og ikkje spretta opp. Brevopnar er ein smal variant av papirkniv som er spesifikt laga til å skrjera open ein konvolutt med. Papirknivar er i dag sjeldan i bruk.

Galleri

• 
  Uoppskorne boksider som kan skjerast med ein papirkniv.
• 
  Papirkniv av elfenbein og perler frå 1800-talet som har tilhøyrd Josefina av Sverige.
• 
  Japansk papirkniv med blad av stål og skaft av tre.
• 
  Engelsk papirkniv frå rundt 1910 med forstørringsglas i eine enden.
• 
  Papirkniv av bakelitt.

Sjå òg

• Pennekniv

Kjelder

• Denne artikkelen bygger på «Paper knife» frå Wikipedia på engelsk, den 3. september 2020.

Bakgrunnsstoff

Commons har multimedium som gjeld: Papirkniv