Pat Jennings
Patrick Anthony Jennings (fødd 12. juni 1945) er ei nordirsk tidlegare fotballmålvakt. Han spelte 119 landskampar for Nord-Irland over ein periode på 22 år. Jennings deltok i over 1000 kampar på toppnivå.
.jpg) | |||
| Personleg informasjon | |||
|---|---|---|---|
| Fullt namn | Patrick Anthony Jennings | ||
| Fødd | 12. juni 1945 (79 år) | ||
| Fødestad | Newry i Nord-Irland | ||
| Høgd | 183 cm | ||
| Posisjon | Målvakt | ||
| Ungdomsklubbar | |||
| Seniorkarriere* | |||
| År | Lag | Kampar | (Mål) |
| 1963–1964 | Watford | 48 | (0) |
| 1964–1977 | Tottenham Hotspur | 472 | (0) |
| 1977–1985 | Arsenal | 237 | (0) |
| 1985–1986 | Tottenham Hotspur | 0 | (0) |
| 1986 | Everton | 0 | (0) |
| Totalt | 757 | (0) | |
| Landslag | |||
| 1964–1986[1] | Nord-Irland | 119 | (0) |
| * Seniorklubbkampar og mål berre telt for nasjonal liga | |||
Aktiv
endreKlubbspel
endreJennings vakta målet til tredjedivisjonslaget Watford FC i 1963/64-sesongen. Sommaren 1964 vart han overført til Tottenham Hotspur mot 27 000 pund. Dei neste 13 åra var han målvakt i 591 obligatoriske klubbkampar for London-laget. Han var med om å vinne FA-cupen 1967, ligacupen 1971, UEFA-cupen 1972 og ligacupen 1973.
I august 1977 vart Jennings overført til byrival Arsenal FC, eit lag som sigra i FA-cupen 1979 med 3-2 over Manchester United, men elles gjekk på finaletap i FA-cupen 1978, FA-cupen 1980 og Cupvinnarcupen 1980. 26. februar 1983 vart han den fyrste spelaren i engelsk fotball med 1000 offisielle kampar. Han la opp i 1986.
Landslagsspel
endreJennings landslagsdebuterte 15. april 1964 då Nord-Irland på bortebane vann 3-2 over Wales. Han spelte alle fire kampane til Nord-Irland under VM i fotball 1982 og alle tre kampane i Fotball-VM 1986. I sin aller siste fotballkamp, 12. juni 1986 i Guadalajara mot Brasil, måtte Jennings hente ballen or nettmauskane tre gongar, hans eigne landslagskameratar makta ikkje skåre.
Merittar
endre- Vinnar av UEFA-cupen: 1972 med Tottenham
- Vinnar av FA-cupen: 1967 med Tottenham og 1979 med Arsenal FC
- Vinnar av den engelske ligacupen: 1971 og 1973 med Tottenham
- Vinnar av den britiske meisterskapen: 1980 og 1984 for Nord-Irland
Kjelder
endre- ↑ «Patrick "Pat" Jennings - Century of International Appearances». The Rec.Sport.Soccer Statistics Foundation.
- Denne artikkelen bygger på «Pat Jennings» frå Wikipedia på engelsk, den 8. september 2020.
- eu-football