Peder Olsson Brandvold

Peder Olsson Brandvold (18. desember 1828–29. januar 1892) var ein norsk gardbrukar, ordførar og stortingsmann frå Nord-Fron i Oppland.

Peder Olsson Brandvold
Fødd	18. desember 1828 Nord-Fron
Død	29. januar 1892 (63 år) Nord-Fron
Yrke	politikar, bonde

Brandvold var son av ein gardbrukar i Nord-Fron. Sjølv gifta han seg til garden Toksen og busette seg der. I 1863 overtok han også farsgarden. Han var medlem av heradsstyret 1860-69, i fleire år var han ordførar. Medlem av forlikskommisjonen 1871-91 og sparebankdirektør.

Brandvold representerte Kristians amt på Stortinget 1874-76 og 1877-79. Begge tingbolkane var han medlem av budsjettkomiteen.

Han døydde på garden sin, Toksen, i Nord-Fron i 1892.

Kjelder

• Lindstøl, Tallak:Stortinget og Statsraadet 1814-1914. Kristiania, 1914
• Biografisk informasjon om Peder Olsson Brandvold NSD Norsk senter for forskningsdatas politikararkiv