Pen y Fan
Pen y Fan er det høgaste fjellet i Sør-Wales og sør i Storbritannia. Det ligg i Brecon Beacons nasjonalpark. Med ei høgd på 886 meter over havet er det òg det høgaste punktet i Storbritannia sør for Snowdonia-fjella.
| Pen y Fan | |||
| Marilyn, hewitt, nuttall | |||
 Pen y Fan frå Cribyn
| |||
| Land |  Wales
| ||
|---|---|---|---|
| Del av | Bannau Brycheiniog nasjonalpark | ||
| Fjellkjede | Brecon Beacons | ||
| Topp | Powys | ||
| • høgd | 886 moh. | ||
| • Primærfaktor | ca. 671 m | ||
 Pen y Fan 51°53′03″N 3°26′12″W / 51.884031°N 3.436765°W | |||
| Wikimedia Commons: Pen y Fan | |||
Toppen ligg på ein rygg som strekkjer seg frå reservoaret i Talybont-on-Usk til A470. Vest for Corn Du går terrenget slakt nedover til Storey Arms ved A470. Mot aust stuper ryggen bratt ned til eit pass som knyter Pen y Fan med Cribyn. Frå Corn Du går det ein slak rygg sørover til Merthyr Tydfil.
Mange uerfarne klatrarar har mista livet på fjellet på grunn av raskt vekslande vêrforhold. Fjellet blir òg brukt i treninga av britiske spesialstyrker, spesielt i samband med utmarsjen «Fan Dance» under utveljinga til Special Air Service. Òg blant soldatane har det vore fleire dødsfall. Pen y Fan blir difor rekna av mange som den farlegaste toppen i Wales, sjølv om sjølve klatringa ikkje er spesielt teknisk krevjande.
Fjellet består hovudsakleg av glasiær Old Red Sandstone.
Kjelder
endre- Denne artikkelen bygger på «Pen y Fan» frå Wikipedia på bokmål, den 1. juli 2011.