Per Ivar Moe

Per Ivar Moe (fødd 11. november 1944) er ein norsk tidlegare skeiseløpar, oppvoksen på Lillehammer. Han vart verdsmeister på skeiser 1965 i Oslo, året etter han vann noregsmeisterskapen i Tønsberg. Moe var medlem i Oslo Idrettslag.

Per Ivar Moe
Statsborgarskap	Noreg
Fødd	11. november 1944 (80 år) Ålesund kommune
Yrke	skøyteløpar
Per Ivar Moe på Commons

Per Ivar Moe til høgre, saman med Svein Erik Stiansen i 1966

Moe slo gjennom i 1963-sesongen. Han vart tredjemann då Noreg vann firedobbelt under skeise-EM 1963, med Nils Aaness heilt øvst på sigerspallen. Også i 1964 kom Moe på bronseplassen i EM, ei veke før han braut Knut Johannesen si lange sigersrekke i NM på skeiser ved å vinne laurbærkransen under NM i Tønsberg. Ti dagar seinare måtte Moe sjå slått med to tidels sekund i kampen om gullmedaljen på 5000 meter under Vinter-OL 1964 i Innsbruck. Moe fekk notert 7.38,6, seinare kom Johannesen i mål på vinnartida 7.38,4.

Etter sølvmedaljar i NM 1965 og EM 1965. kom høgdepunktet for Moe då han vart verdsmeister på Bislett stadion i Oslo 14. februar 1965. Han vart då den fyrste nordmannen som gjekk til topps i eit skeise-VM på Bislett. Moe kom på tredjeplass under NM 1966 i Drammen. Eit par veker etter deltok han i EM i Deventer, der han ramla på 5000-meteren. Han la deretter vekk skeisene, 21 år gammal.

Kjelder

• Denne artikkelen bygger på «Per Ivar Moe» frå Wikipedia på bokmål, den 3. november 2016.

• (en) Per Ivar Moe – Profil og resultatoversikt i olympiske konkurransar på sports-reference.com.