Pereira
Pereira (peˈɾeiɾa) er hovudstaden i Risaralda-departementet i Colombia. Han ligg i eit kaffeproduserende område av Colombia, offisielt kjent som «kaffiaksen». Pereira, saman med resten av kaffiaksen, er med på UNESCO si liste over kulturarven i verda frå 2011.[1] Han er den mest folkesette byen i kaffiaksen. Pereira er òg ein del av eit storbyområde i Risaralda, som har meir enn 700 000 innbyggjarar, og består av Pereira og dei nærliggande byane Dosquebradas og La Virginia.
| Pereira | ||
|---|---|---|
 | ||
| ||
| Styresmakter | ||
| Land | Colombia | |
| Borgarmeister | Juan Pablo Gallo Maya | |
| Geografi | ||
| Flatevidd | 702 km² | |
| Innbyggjarar - By (2017) |
474 335 | |
| Koordinatar | 4°48′51.4″N 75°41′40.41″W / 4.814278°N 75.6945583°W | |
| Høgd over havet | 1411 m | |
| Tidssone | EST (UTC-5) (UTC) | |
| Diverse anna | ||
| Telefon-retningsnummer | +57 + 6 | |
| Heimeside: http://www.pereira.gov.co/ | ||
| Nettstad: www.pereira.gov.co | ||
| Plassering | ||
 | ||
Geografi, geologi og klima endre
Storbyområdet Pereira er plassert sentralt i eit triangel med dei tre største byane i landet, Bogotá, Medellín og Cali, som hjørnepunkt. Det urbane Pereira ligg i vestskråninga av den sentrale fjellkjeda av Andes i Colombia, i ein sidedal nemnt Otún-dalen. Sentrum av byen er berre ca. 20 km i luftlinje frå Cauca i vest. Elva Otún er ein del av Cauca-vassdraget og er ei grenseelv mellom det urbane Pereira og nabobyen Dosquebradas i nord.
Arealet av kommunen Pereira er 702 km2 og kommunen grensar mot kommunane La Virginia, Marsella og Dosquebradas i nord, i nordaust mot Santa Rosa de Cabal og i aust mot departementet Tolima, i sør grensar han mot departementa Quindío og Valle del Cauca.
Pereira ligg i eit område med høg seismisk og vulkansk aktivitet. Den austlege delen av kommunen ligg innanfor nasjonalparken Los Nevados, og grensa i nordaust er nær toppen av vulkanen Santa Isabel. Ein annan vulkan rett ved kommunegrensa er Nevado del Ruiz. Pereira var ein av byane hardast råka av eit jordskjelv i den sentrale delen av landet den 25. januar 1999. Totalt omkom 1171 menneske og ca. 150 000 vart heimlause i området.[2]
På grunn av plasseringa nær ekvator og mellom to fjellkjeder, er det ingen utprega regntider eller tørre årstider i Pereira, og ingen store temperaturskilnader i løpet av året. Gjennomsnittleg temperatur er ca. 22 °C, gjennomsnittleg nedbør er ca. 2750 mm per år.
Kjelder endre
- Denne artikkelen bygger på «Pereira» frå Wikipedia på engelsk, den 30. desember 2018.
- Referansar
- ↑ Unesco World Heritage List - Coffee Cultural Landscape of Colombia Henta 30. desember 2018
- ↑ US Agency for International Development Colombia - Earthquake Fact Sheet #6, Fiscal Year 1999 Henta 30. desember 2018
Bakgrunnsstoff endre
Wikimedia Commons har multimedia som gjeld: Pereira