Pernille Sørensen
Pernille Sørensen (fødd 15. september 1977) er ein norsk komikar og skodespelar.
| Pernille Sørensen | |||
| Fødd | 15. september 1977 (47 år) | ||
|---|---|---|---|
| Fødestad | Bærum kommune | ||
| Verka som | skodespelar, manusforfattar, stemmeskodespelar, komikar | ||
| Ektefelle | Dagfinn Lyngbø | ||
| Prisar | TV-prisen | ||
Sørensen er fødd i Bærum. Ho studerte i perioden 1998–2002, har medievitskap og statsvitskap mellomfag frå NTNU, og har studert stat og politikk i Midtausten og Nord-Afrika ved UiO.[1]
Ho har jobba mykje innanfor humorsjangeren både på scena, TV og radio. Ho er ein av skaparane og skodespelarane i den norske humorserien Melonas som gjekk på NRK1 frå 2002 til 2006. Ho er òg kjend frå andre program på NRK, blant anna som paneldeltakar i 20 spørsmål og Løvebakken og for enkelte roller i Uti vår hage.
Sørensen fekk prisen som årets nykommar under Komiprisen 2003. Ho hadde ei statistrolle i Hotel Cæsar hausten 2001 som TV-reporter. Hausten 2009 spelefilmdebuterte ho i Knerten, som vart regissert av Åsleik Engmark. Ho spelte òg i oppfølgjaren, Knerten gifter seg, i 2010. Våren 2011 hadde TV-serien Åse Tonight premiere på NRK med Sørensen som manusforfattar og hovudrolleinnehavar.[2] Frå hausten 2013 spelte ho rolla som Lisbeth Berg i TV-serien Side om side på NRK1. Februar 2015 tok ho over etter Ingrid Gjessing Linhave som fast paneldeltakar i Nytt på Nytt[3]. Under Komiprisen 2016 vann ho publikumsprisen årets morosamaste.[4]
Sørensen har òg opptredd på scena «Latter», der ho er tilsett. I 2001 var ho med på «Julegalla i Olavshallen» og «Stand Up Komiske Leker» i 2002. I september 2010 hadde ho premiere på sitt soloshow Flink Pike, som mottok god kritikk i dagspressa. Utover dette har ho òg vore med på «3 Fantastiske Mennesker» og «Lattergalla».[5] I 2018 hadde ho soloførestillinga «Kultur».[6]
Sørensen er gift med komikaren Dagfinn Lyngbø.[7]
Kjelder
endre- ↑ «Prompehumor». Universitas (på norsk bokmål). 2. mars 2011.
- ↑ «- Vart du skræmt no?». 23. februar 2011. Henta 1. september 2019.
- ↑ «Pernille Sørensen til «Nytt på nytt»». 23. februar 2015.
- ↑ «Pernille Sørensen er Årets morsomste». 30. april 2016. Henta 1. september 2019.
- ↑ «SPIS, DRIKK OG VÆR GLAD PÅ LATTER!» (på engelsk). Henta 21. februar 2018.
- ↑ «Nytt show på Latter: «Verden har gått videre, og Pernille Sørensen står igjen på perrongen med et utdatert manus i hånden»». 24. august 2018. Henta 1. september 2019.
- ↑ «Derfor er Pernille Sørensen lykkelig gift». 30. september 2010. Henta 1. september 2019.
- Denne artikkelen bygger på «Pernille Sørensen» frå Wikipedia på bokmål, den 9. november 2021.