Peter Edvard Vorum

Peter Edvard Vorum (4. oktober 1884–24. april 1970) var ein norsk lærar og stortingspolitikar for Arbeidarpartiet.

Peter Edvard Vorum
Fødd	4. oktober 1884 Sparbu
Død	24. april 1970 (85 år)
Statsborgar av	Noreg
Parti	Arbeidarpartiet, Arbeiderdemokratene, Nasjonal Samling (1940; 1945)
Yrke	Lærar
Utdanna ved	Levanger lærerhøgskole
Alle verv	stortingsrepresentant (1934–1936) ordførar i Ytre Rendal (1914–1934) ordførar i Ytre Rendal (1941–1941) stortingsrepresentant (1937–1945)

Vorum vart fødd ved Steinnes i Sparbu som son av gardbrukar Christoffer Olsen Vorum (1843–1915) og Karoline Elvine Ertsaas (1855–1890). Han gjekk på Ogndal folkehøgskule frå 1901 til 1902 og vart uteksaminert ved Levanger lærarskule i 1905. Etter dette var han tilsett som lærer ved Falstad skuleheim og ein skule i Egge i 1905, og sidan ved ein skule i Andenes frå 1906 til 1909. Frå 1910 var han tilsett ved ein skule i Ytre Rendal, og vart vald som ordførar ved Ytre Rendal heradstyre gjennom sju periodar frå 1913 til 1934. I 1929 vart han tilsett som fylkesrevisor for Hedmark i 1929, og i perioden 1931 til 1933 var han formann i fylkestinget.

Vorum vart vald inn på Stortinget som 5. representant etter valet i 1933 frå valkretsen Hedmark fylke, der han fungerte som medlem av kyrkje- og skulekomiteen. Han vart attvald ved valet i 1936, og var òg då medlem av kyrkje- og skulekomiteen. Under okkupasjonen av Noreg melde han seg inn i Nasjonal Samling og vart rådmann for Åmot i perioden 1941 til 1945, og dessutan skuledirektør frå 1944. Vorum vart den einaste frå Den parlamentariske gruppa til Arbeidarpartiet frå 1936 som melde seg inn i partiet. Under landssvikoppgjeret vart han sikta for forræderi og i september 1948 vart han dømd til fem års tvangsarbeid og dessutan tap av lærarstillinga. Vorum døydde i april 1970 i ein alder av 85 år.

Stortingskomitear

• Kyrkje- og skulekomiteen 1934–1936 og 1937–1945

Referansar

• Denne artikkelen bygger på «Peter Edvard Vorum» frå Wikipedia på bokmål, den 14. juni 2017.