Peter Jebsen
Peter Jebsen (6. mai 1824–30. oktober 1892) var ein norsk forretningsmann. Han voks opp i hertugdømet Slesvig, som den gong låg under Danmark. Han var fødd i Broager sogn på halvøya Sundeved i Nord-Slesvig og var bror til Jürg Jebsen og Johan Jebsen. Han kom til Bergen i 1843. Etter å ha vore tilsett eit par år hjå Gades Manufaktur i Bergen, kjøpte han Blindheimselva i Ytre Arna for 200 spesidalar, halve formuen sin. I 1846 bygde han eit bomullsveveri ved utløpet til elva med 36 vevstolar som han hadde kjøpt i England. Dette skal ha vore det første mekaniserte bomullsveveriet i Noreg. Verksemda auka raskt, og etterkvart vart det bygd både bomullsspinneri, fargeri og bleikeri på staden. Dette vart starten på Arne fabrikker.
| Peter Jebsen | |
| Statsborgarskap | Noreg |
| Fødd | 6. mai 1824 Broager |
| Død |
30. oktober 1892 (68 år) |
| Yrke | forretningsdrivande, politikar |
| Språk | norsk |
| Peter Jebsen på Commons | |
I tillegg til å vere industrigründer, vart Peter Jebsen også ein pioner innan samferdslehistoria på Vestlandet. Fabrikken kjøpte i 1864 dampbåten D/S «Arne». Den viktigaste oppgåva for båten var transport mellom fabrikken i Arna og Bergen, samstundes vart han den første rutebåten som gjekk i trafikk mellom Bolstad og Bergen. Peter Jebsen var også ein av dei som jobba for å få ein jarnbane mellom Bergen og Voss.
Jebsen representerte Bergen på Stortinget i 1874 og i 1880.
Bakgrunnsstoff
endre- Peder Jebsen Dansk biografisk leksikon
- Tekstilindustri i Bergensdistriktet etablert av innvandrere
- Biografisk informasjon om Peter Jebsen NSD Norsk senter for forskningsdatas politikararkiv