Pick Withers
David «Pick» Withers (fødd 4. april 1948) er ein engelsk trommeslagar. Han var den første trommeslagaren i rockebandet Dire Straits og spelte på dei fire første albuma deira, inkludert hittar som «Sultans of Swing,» «Romeo and Juliet» og «Private Investigations».[1]
Pick Withers | |||
![]() Withers med Dire Straits i 1978 | |||
Fødd | 4. april 1948 (76 år) | ||
---|---|---|---|
Fødestad | Leicester | ||
Fødenamn | David Withers | ||
Alias | Pick Withers | ||
Opphav | Storbritannia | ||
Aktiv | 1964 til i dag | ||
Sjanger | Rock, jazz | ||
Instrument | trommer | ||
Tilknytte artistar | Dave Edmunds, Magna Carta, Dire Straits | ||
Verka som | Musikar, produsent |
Withers spelte først trommer i Boys Brigade. Han vart profesjonell musikarar 17 år gammal i eit band kalla the Primitives, etterfølgd av bandet Spring, som fekk platekontrakt med hadde lite suksess. Dei spelte inn eitt album for RCA. I midten av 1970-åra var han fast trommeslagar ved Rockfield Studios i South Wales. Han spelte på plater av mellom andre Dave Edmunds og Hobo, inkludert John Dummer Band, Magna Carta og Gary Fletcher Band.[2]
Utstyr og teknikk
endreWithers sin stil med Dire Straits skil seg ut med ein tilbakehalden, enkel skarptromme og hi-hat i staden for tunge rytmar og fart. Som gitarspelinga til frontmannen Mark Knopfler, var stilen til Withers blues-basert. Pick Withers spelte òg på Prelude-albumet How Long Is Forever i 1972. Knopfler møtte Withers i 1973 i London då han spelte i bluesbandet Brewers Droop, der Withers alt spelte. Withers arbeidde fast med Knopfler gjennom midten av 1970-åra, samstundes som han arbeidde for Rockfield.
Withers spelte på Dire Straits-albuma Dire Straits (1978), Communiqué (1979), Making Movies (1980) og Love Over Gold (1982).
Withers slutta i bandet sommaren 1982, kort tid etter Love Over Gold var ferdig innspelt, for å vere meir med familien og spele jazz. Han fortalte i eit intervju at han hadde bukka under for kjensla om at det ikkje var noko att i musikken for han og at han var i fare for å verte «ein rocketrommeslagar». [treng kjelde] Erstattaren hans i Dire Straits var Terry Williams, som òg hadde spelt for Dave Edmunds.
Diskografi
endreMed Dire Straits
endre- For meir om dette emnet, sjå diskografien til Dire Straits.
Med andre
endre- Slow Train Coming, Bob Dylan
- Giant From The Blue, Gary Fletcher Band
Kjelder
endre- Denne artikkelen bygger på «Pick Withers» frå Wikipedia på engelsk, den 15. september 2014.
- Wikipedia på engelsk oppgav desse kjeldene:
- ↑ Wright, Jade (7. januar 2011). «Pick Withers: From Dire Straits and Bob Dylan’s trommeslagar to putting on his own gigs in Liverpool - Liverpool Arts - Entertainment». Liverpool Daily Post. Henta 15. september 2014.
- ↑ «garyfletchermusic.co.uk». garyfletchermusic.co.uk. Henta 15. september 2014.