Slimål

Slimål (Myxine glutinosa), også kalla pirål og sleipmark, er ein fisk som lever i saltvatn. Han er ein rundmunn i klassen slimålar, og ikkje i nær slekt med europeisk ål.

Slimål
Slimål
Status
Status i verda: Livskraftig
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Myxini
Orden:	Myxiniformes
Familie:	Slimålfamilien Myxinidae
Slekt:	Myxine
Art:	Slimål M. glutinosa
Vitskapleg namn
Myxine glutinosa Linnaeus, 1758

Utsjånad

Slimålen er som vaksen 35 til 60 cm lang, rosafarga og utan skjel. Han har ikkje eigentlege finnar, mein ein hudfold langsetter bakkroppen. Langs buken har han slimkjertlar og rundt munnen har han fire tentaklar. Augene er tilbakedanna, og med nedsett funksjon. Slimålen er hermafroditt fram til kjønnsmodning. Befruktinga skjer truleg utvendig, og yngelen klekkast utan larvestadie.

Habitat

Han finst langs heile norskekysten, og elles i det nordlege Atlanterhavet, på eit djup frå 20-40 meter og ned til 600, i ekstreme tilfelle 2000 meter. Slimålen lever på blaut botn, der han ofte grev seg ned. Han vil ha temperatur under 10 grader og vatn med 32 promille salt.

Han lever hovudsakleg av åtsel, mellom anna av daud og halvdaud fisk, og er difor ein plage i botngarn og liner kor han går på fanga fisk. Han et også børstemark, havsniglar og anna.

Kjøttet er velsmakande, men ikkje bruka i Noreg.

Kjelder

• Store Norske Leksikon
• Frank Emil Moen: Dyreliv i havet. Nordeuropeisk marin fauna. Internettutgåva Arkivert 2006-10-16 ved Wayback Machine.
• Forskningsnytt Arkivert 2007-05-04 ved Wayback Machine. frå NTNU
• Om slimål på Newton