Prestebakke kyrkje
Prestebakke kyrkje er ei langkyrkje frå 1795 i Halden kommune i Østfold fylke. Byggverket er i tre og har 225 plassar.
| Prestebakke kyrkje | |||
| kyrkje | |||
 Prestebakke kyrkje
Foto: Trond Strandsberg | |||
| Land |  Noreg
| ||
|---|---|---|---|
| Fylke | Østfold | ||
| Kommune | Halden | ||
| Kyrkjesamfunn | Den norske kyrkja | ||
| Bispedøme | Borg | ||
| Prosti | Søndre Borgesyssel | ||
| Sokn | Enningdalen | ||
| Fellesråd | Halden | ||
| Type | Langkyrkje | ||
| Teknikk | Tømra | ||
| Material | Tre | ||
| Innvigd | 1795 | ||
| Kyrkjegard | Ved kyrkja | ||
| Døypefont | Kleberstein | ||
| Sitjeplassar | 225 | ||
 Prestebakke kyrkje 58°59′36″N 11°31′57″E / 58.993355°N 11.53236194°E | |||
| Wikimedia Commons: Prestebakke kirke | |||
Dette er hovudkyrkja i Enningdalen sokn. Kyrkjestaden var tidlegare der Søndre Enningdalen kyrkje står no, og det er lett å blande dei to kyrkjene saman. Då ny kyrkje skulle byggjast i 1793, vart kyrkjestaden flytta til Prestebakke, men den gamle kyrkjegarden vart halden i hevd, og i 1950-åra vart så Søndre Enningdalen kyrkje bygd.
Prestebakke kyrkje er lafta og kom under tak i 1793, som ein ser av årstalet på vindfløya. Kyrkja vart vigsla i 1795.
Altartavla har eit bilete av krossfestinga, og somme trur ho vart måla av Eggert Munch.[1] Preikestolen er på alder med kyrkja. Døypefonten er av kleberstein og stammar truleg frå ei tidlegare stavkyrkje.
Ved og i kyrkja var det kampar mellom norske og svenske styrkar 10. juni 1808, og kyrkja har framleis kulehol i veggene. Dei falne i slaget vart lagde i ei fellesgrav på kyrkjegarden, og ein minnebauta vart reist til hundreårsdagen.[2]
Tilkomst til staden er via fylkesveg 101.
Fotnotar endre
Bakgrunnsstoff endre
- Skauge, Inger Lise og Stumberg, Kari (2010). Kirker og kirkegårder i Halden. Lokale kulturskatter. H. Andersen Bok- og papirhadel. s. 132-149. ISBN 978-82-91129-13-6.
- Christie, Sigrid og Håkon (1959). «Enningdal kirke». Norges kirker. Østfold II. Oslo: Riksantivariatet / Land og Kirke. s. 97-102.
- Idd og Enningdalen historielag om kyrkja Arkivert 2015-04-02 ved Wayback Machine.
- Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 685. ISBN 82-75-27022-7.
- Lokalhistoriewiki – Prestebakke kirke
- Kyrkjesøk – Prestebakke kirke, Enningdal Arkivert 2014-03-27 ved Wayback Machine.
- Prestebakke kyrkje i kulturminnesok.no, nettstaden til Riksantikvaren