Prievidza

Prievidza (ungarsk Privigye, tysk Priwitz) er ein by sentralt i det vestlege Slovakia. Han har om lag 50 000 innbyggjarar og er ein av dei største byane i Trenčín kraj.

Prievidza
by
Land	Slovakia
Høgd	280 m
Areal	43,063 km²
Folketal	45 017 (1. januar 2021)
Først nemnd i	1113
Postnummer	971 01
Retningsnummer	+421-46
Bilnummer	PD
Prievidza 48.771388888889°N 18.624166666667°E / 48.771388888889; 18.624166666667
Wikimedia Commons: Prievidza

Historie

Byen vart nemnd første gongen i 1113 som «Preuigan». Han fekk status som fri kongeleg by i 1383. Sidan 1500-talet utvikla handverkaryrket seg i Prievidza. Frå 1500-talet til første del av 1600-talet kontrollerte familen Thurzo byen. Det osmanske riket kom til byen frå sør og brende han ned i 1599, i lag med andre byar i den øvre Nitradalen. Under Kuruc-opprøret i 1673 vart Prievidza sett i brann igjen, og brannen tok delar av byarkiva. I 1870 hadde han 2719 innyggjarar.

Frå slutten av 1800-talet og byrjinga på 1900-talet har industrien vokse i byen etter at jernbanen først kom hit. I den andre verdskrigenj var byen ein av sentera til den slovakiske motstandsrørsla. Etter slutte av krigen voks folketalet kraftig i lag med industrien frå 5000 til rundt 53 000. Prievidza vart bustad for mange gruvearbeidarar som fann arbeid i nærliggande kolgruver, kraftstasjonar og ein kjemisk fabrikk nær byen Nováky.

Kjelder

• Denne artikkelen bygger på «Prievidza» frå Wikipedia på engelsk, den 14. april 2009.

Bakgrunnsstoff

Commons har multimedium som gjeld: Prievidza

• Offisiell nettstad