Professor Layton and Pandora's Box
Professor Layton and Pandora's Box, kjent i Nord-Amerika som Professor Layton and the Diabolical Box, er eit hjernetrim-eventyrspel utvikla av Level-5. Det var utgjeve av Level-5 i Japan i 2007 og av Nintendo internasjonalt i 2009. Spelet vart seinare utgjeve for iOS- og Android-einingar i 2019.[1] Pandora's Box er oppfølgjaren til Professor Layton and the Curious Village og den andre tittelen i Professor Layton-serien. Det vart etterfølgt av Professor Layton and the Lost Future i 2010.
| Professor Layton and Pandora's Box | |||
| Utviklar(ar) | Level-5 | ||
|---|---|---|---|
| Utgjevar(ar) | Nintendo Level-5 (Japan) | ||
| Distributør | Nintendo eShop, App Store | ||
| Produsent(ar) | Akihiro Hino | ||
| Komponist(ar) | Tomohito Nishiura | ||
| Serie | Professor Layton | ||
| Plattform(er) | Nintendo DS, iOS, Android | ||
| Utgjeving | Nintendo DS JP: 29. november 2007 NA: 24. august 2009 EU: 25. september 2009 iOS, Android 20. juni 2019 | ||
| Sjanger | Hjernetrim, eventyr | ||
| Spelemodus | Einspelar | ||
| Aldersgrense | PEGI 7 | ||
| Nettstad | http://professorlayton.nintendo.com/diabolicalbox/ | ||
| Del av serien Professor Layton⠀ | |||
| ←Professor Layton and the Curious Village⠀ · Professor Layton and the Lost Future→ | |||
Spelet handlar om Professor Hershel Layton og den sjølvutnemnde lærlingen hans, Luke Triton. Dei reiser omkring med tog for å løyse mysteriet bak ei øskje som seiest å ta livet av alle som opnar ho. Spelaren styrer duoen gjennom fleire ulike stader, til skilnad frå det førre spelet der handlinga var avgrensa til byen St. Mystere. Spelaren løyser oppgåver som involverer tanken for å hjelpe professoren i søkinga og løyse mysteria i spelet.[2]
Spelet har fått generelt god kritikk.[3] Utgåva til Nintendo DS har selt over 2,43 millionar kopiar internasjonalt.[4]
Kjelder
endre- ↑ «Professor Layton and the Diabolical Box now on mobile in HD». Polygon. Henta 8. februar 2020.
- ↑ «ANMELDELSE: Professor Layton and Pandora's Box». Gamer.no. Henta 8. april 2018.
- ↑ «Professor Layton and the Diabolical Box for DS Reviews». Metacritic. Henta 8. april 2018.
- ↑ «Financial Results Briefing for Fiscal Year Ended March 2010» (PDF). Nintendo. Henta 8. april 2018.