iOS
iOS (tidlegare iPhone OS) er eit mobiloperativsystem utvikla og distribuert av Apple Inc. Operativsystemet vart opphavleg avduka i 2007 for iPhone, men har vorte utvida til å støtte annan maskinvare frå Apple, slik som iPod Touch, iPad, iPad mini og andre generasjon Apple TV. Til skilnad frå Windows Phone frå Microsoft og Android frå Google, lisensierer ikkje Apple iOS for installasjon på maskinvare som ikkje er utvikla av Apple. App Store på iOS har i august 2013 eit utval på over 900 000 applikasjonar, der 375 000 av desse er optimerte for iPad.[2] Desse applikasjonane har samla vorte lasta ned meir enn 50 milliardar gonger.[3] iOS var installert på 21 % av alle smarttelefonar som vart selde i fjerde kvartal 2012, der det låg bak Android frå Google.[4] Ifølgje ein presentasjon av Apple 12. september 2012 var over 400 millionar einingar med iOS selde i juni 2012.[5]
| IOS | |||
.svg) | |||
| Utviklar(ar) | Apple Inc. | ||
|---|---|---|---|
| Nyaste versjon | 18.1 (28. oktober 2024)[1] | ||
| Plattform | iPod Touch, Apple TV, HomePod, Apple Watch | ||
| Skrevet i | C, C++, Objective-C, Swift, Programmeringsspråket Java | ||
| Bygger på | macOS, Darwin | ||
| Skrivebordsmiljø | Cocoa Touch | ||
| Oppdateringsmetode | App Store | ||
| Lisens | proprietær lisens | ||
| Nettstad | https://www.apple.com/ios/ | ||
Brukargrensesnittet i iOS er basert på konseptet med direkte manipulering, der ein bruker gestar med å røre på skjermen for å navigere. Ein kommuniserer med operativsystemet med rørsler som stryking, trykking og klyping, som alle har eigne funksjonar avhengige av konteksten av iOS. Innebygde akselerometrar er brukt av nokre applikasjonar for å respondere til risting eller rotering av eininga.
iOS er basert på OS X, og er ein mobil variant av operativsystemet som er brukt på datamaskinar laga av Apple.
Nye versjonar av iOS kjem ut årleg. Den noverande utgåva, iOS 11, kom ut i september 2017.
Arkitekturen til iOS har fire abstrakshonsnovå: kjernen, tenestelaget, medialaget og brukargrensesnittlaget. iOS 6.1.4 set av ein systempartisjon på 1 — 1,5 GB i Flash-minne. Av dette nyttar operativsystemet rundt 800 MB.
Programvare
endreDet finst rundt 650.000 brukarprogram for iOS (april 2010), men all programvaren må kjøpast gjennom iOS App Store. At Apple monopol på sal og distribusjon er ikkje like populært hjå alle brukarane og somme har teke til å hakka seg forbi sperrene, slik at dei kan lasta ned brukarprogram som andre har skrive og lagt ut[6]. Apple er med i Prism-programmet til NSA.
Kjelder
endre- ↑ «Apple Releases iOS 18.1 and iPadOS 18.1 With Apple Intelligence» (på engelsk). 28. oktober 2024.
- ↑ How Many Apps Are in the iPhone App Store?
- ↑ Apple WWDC 2012 Keynote Adress
- ↑ Android and iOS Combine for 91.1% of the Worldwide Smartphone OS Market in 4Q12 and 87.6% for the Year, According to IDC, arkivert frå originalen 5. juli 2014, henta 22. august 2013
- ↑ iOS leapfrogs Android with 410 million devices sold and 650,000 apps, arkivert frå originalen 19. september 2013, henta 22. august 2013
- ↑ Goldman, D., Jailbreaking iPhone apps is now legal, CNNMoney, 26/7-2010.
- Denne artikkelen bygger på «IOS» frå Wikipedia på engelsk, den 2. juli 2012.
