Proud av Tamara Todevska
| «Proud» Song av Tamara Todevska | ||
| Land | Nord-Makedonia | |
| Språk | Engelsk | |
| Utgjeve | 8. mars 2019 | |
| Sjanger | Popballade | |
| Lengd | 03:00 | |
| Selskap | Dimitrov | |
| Låtskrivar(ar) | Darko Dimitrov, Robert Bilbilov, Lazar Cvetkoski, Kosta Petrov, Sanja Popovska | |
|---|---|---|
«Proud» (norsk 'stolt') er ein popballade frå 2019 som vert framført av den makedonske songaren Tamara Todevska. Songen var det makedonske bidraget til Eurovision Song Contest 2019 i Tel Aviv i Israel. Songen enda på sjuandeplass i finalen, noko som var den beste plasseringa i Nord-Makedonia i Eurovision Song Contest til då.
Bakgrunn
endre
«Proud» vart internt vald ut av Makedonsk radio og televisjon som det makedonske bidraget til Eurovision Song Contest 2019. Songen er komponert av Darko Dimitrov, Robert Bibliov og Lazar Cvetkoski, medan Kosta Petrov og Sanja Popovska har skrive teksta.[1] Songen vert framført av Tamara Todevska, som tidlegare deltok i Eurovision Song Contest i 2008 saman med Rada Vrchakovski og Adrian Gaxha.[2]
«Proud» skulle opphavleg ha vorte utgjeven 4. mars 2019, men vart utsett med fire dagar, slik at utgjevinga fall saman med den internasjonale kvinnedagen. Songen handlar om å vere stolt over den ein er og ikkje la deg affisere av andre som meiner ein ikkje er god nok.[3]
Eurovision Song Contest
endreI januar 2019 vart Nord-Makedonia trekt ut til å delta i semifinale 2 av Eurovision Song Contest. Semifinalen vart halden i Expo Tel Aviv i Israel torsdag 16. mai, og Nord-Makedonia hadde startnummer 17 – det nest siste bidraget ut på scena.[4] I avrøystinga vart songen blant dei ti beste i semifinalen, og kvalifiserte seg dimed til finalen laurdag 18. mai.[5] Dette var fyrste gongen sidan 2012 at Nord-Makedonia kvalifiserte seg til finalen.[6]
I finalen vann «Proud» juryavrøystinga framfor Sverige.[7] Men i telefonavrøystinga vart songen nummer tolv og enda til slutt på sjuandeplass samanlagt med 305 poeng. Dette var den beste plasseringa til Nord-Makedonia i Eurovision Song Contest.[8]
Kjelder
endre- ↑ «Tamara Todevska - North Macedonia — Tel Aviv 2019». Henta 7. mai 2019.
- ↑ «FYR Macedonia: Tamara Todevska to Sing "Proud" at Eurovision» (på engelsk). 8. februar 2019. Henta 7. mai 2019.
- ↑ «North Macedonia's Tamara Todevska presents 'Proud' for Tel Aviv». 8. mars 2019. Henta 7. mai 2019.
- ↑ «Second Semi-Final of Tel Aviv 2019». EBU. Henta 5. mai 2019.
- ↑ «Second Semi-Final: Last 10 acts qualify for Eurovision 2019 Grand Final». EBU. 16. mai 2019. Henta 17. mai 2019.
- ↑ «North Macedonia». Henta 17. mai 2019.
- ↑ «North Macedonia win Eurovision 2019 jury voting as EBU clarifies mistake in Belarusian voting» (på engelsk). 22. mai 2019. Henta 26. mai 2019.
- ↑ «North Macedonia – Eurovision Song Contest». eurovision.tv. mai 2019. Henta 26. mai 2019.
- Denne artikkelen bygger på «Proud (Tamara Todevska-sang)» frå Wikipedia på bokmål, den 23. desember 2021.