Puddefjordsbrua
Puddefjordsbrua strekkjer seg over Damsgårdssundet, som er den smalaste delen av Puddefjorden i Bergen. Brua blei opna i 1956 og ho strekkjer seg frå Møhlenpris på sentrumssida til Gyldenpris på Laksevågssida. Ho er bygd i betong og har bogefasong. Hovudspennet på brua er 152 meter, til saman 461 meter. På det høgste punktet er Puddefjordsbrua 30 meter over vassflata på Puddefjorden. Brua erstatta i 1960 den gamle Laksevågsferja frå Nøstet til Laksevåg. Ho er no del av riksveg 555 og har tre felt for motorkøyretøy i kvar retning og to gang- og sykkelfelt.
 | |||
| Type | Bogebru | ||
|---|---|---|---|
| Stad | Bergen | ||
| Opna | 1956 | ||
| Strekning |  | ||
| Fri høgd | 28 m | ||
| Største spenn | 152 m | ||
| Kryssar | Puddefjorden | ||
| Transporterer | Biltrafikk | ||
| Trafikk | 50 481 (2023)[1] | ||
 Puddefjordsbrua 60°23′01″N 5°19′00″E / 60.383611°N 5.316667°E | |||
Opphavleg hadde brua tre felt. Det midtste feltet bytte køyreretning mellom morgonrushet og ettermiddagsrushet. I 1999 blei det bygd ei nær identisk bru heilt inntil den gamle, på sørsida. Den utvida brua har følgjeleg seks felter, tre kvar veg, og inngår no i det bergenske motorvegsystemet, trass i at brua ikkje formelt har status som motorveg.
På sentrumssida held vegen fram inn i Nygårdstunnelen, mens på Laksevågssida kan ein halda fram inn i Damsgårdstunnelen (viss ein skal vidare vestover, som til Loddefjord, Haakonsvern, Sotra, Øygarden eller Askøy), og i Løvstakktunnelen (viss ein skal til Fyllingsdalen). Ved bruendane er det også avkøyrsler til lokalområda der.
Under stormen 23. januar 1994 blei brua treft av bustadplattformen «Polyconcord» som hadde slite seg laus frå BMV Laksevåg der han låg ankra. Ein var ei stund redd for at brua ville bli øydelagd, men plattformen grunnstøytte like før, noko som dempa samanstøytet. Likevel blei rekkverk og eit fortau øydelagde og lysmaster blei slått skeive.
Det blei i 2004 avdekka at den gamle brua inneheld svært store mengder med miljøgifta PCB.[2]#
Historikk
endrePuddefjordsbrua var blant dei første vegprosjekta i Noreg som blei finansiert ved hjelp av bompengar. For å få dette til, blei Bro & Tunnelselskapet i Bergen stifta. Brua blei lånefinansiert, sidan førehandsbompengar vart sett på som ein uting. Ved sluttføringa begynte dei køyrande å betala – og dei kom berre til Laksevåg.
Løvstakktunnelen var neste byggetrinn og blei fullført med ein køyrebane i kvar retning. Denne var ferdigbetalt få månader før det nye førehandsbompengesystemet kom på plass. Til sentrum kom ein etter kvart direkte inn via den første Nygårdstunnelen. Etter byggjetrinn to er denne reservert offentleg transport og utrykningskøyretøy, medan den vanlege trafikken har fått eigne tunnelar som endar i trafikkmaskina på Nygårdstangen.
Trafikkutvikling
endreÅrsdøgntrafikken på brua i utvalde år:[3]
2006: 45 720
2009: 54 105
2010: 54 711
2011: 55 320
2012: 56 098
2013: 55 346
2014: 54 361
2015: 54 855
2016: 52 488
2017: 51 352
2018: 50 381
Sjå også
endreKjelder
endre- Denne artikkelen bygger på «Puddefjordsbrua» frå Wikipedia på bokmål, den 23. september 2014.
- Referansar
- ↑ «Vegkart Trafikkmengde RV555 K S1D1 m954-1333». Nasjonal vegdatabank. Henta 9. april 2024.
- ↑ 2,0 2,1 Morten Jartun, Rolf Tore Ottesen og Tore Volden (2004). «Spredning av miljøgifter fra tette flater i Bergen» (PDF). Norges geologiske undersøkelse rapport. ISSN 0800-3416.
- ↑ 3,0 3,1 Statens vegvesen - Trafikkregistreringer(PDF) - besøkt 5. aug 2013