Qarawat Bani Hassan
Qarawat Bani Hassan (arabisk قراوة بني حسان) er ein palestinsk by i Salfit guvernement, kring 30 kilometer sørvest for Nablus og sju kilometer nordvest for Salfit nord på Vestbreidda. I følgje Palestinsk statistisk sentralbyrå hadde byen eit folketal på 3 801 i 2007.
| Qarawat Bani Hassan | |||
| قراوة بني حسان, Qarawet Bani Hassan, Qarawat Bani Hasan, Qurawa Ibn Hasan | |||
| kommune | |||
 | |||
| Namneopphav: Ibn Hasan-byen[1] | |||
| Land |  Dei palestinske territoria
| ||
|---|---|---|---|
| Guvernement | Salfit guvernement | ||
| Koordinatar | 32°07′41″N 35°05′56″E / 32.128°N 35.099°E | ||
| Areal | 9,7 km² | ||
| Folketal | 3 801 (2007) | ||
| Folketettleik | 392 / km² | ||
| Grunnlagd | 1948 | ||
| Borgarmeister | Nasim 'Asi | ||
 Qarawat Bani Hassan 32°07′41″N 35°05′56″E / 32.128°N 35.099°E | |||
  | |||
| Wikimedia Commons: Qarawat Bani Hassan | |||
Det samla arealet er 9 684 mål, og av dette er 507 mål utbygde område. Sidan 1995 har 10,7 % av kommuneområdet vore under sivilt styre av Den palestinske sjølvstyresmakta og tryggleiken styrt av Israel, medan 89,2 % er under fullstendig israelsk kontroll.[2]
Arkeologi endre
Det er funne bysantinsk keramikk på staden.[3] Qarawat Bani Hassan vart undersøkt i 1873, og det vart gjort fleire store funn, kanskje av bysantinsk opphav.[4][5]
Deir ed-Derb endre
Kring 1 km søraust for sentrum av landsbyen ligg Deir ed Derb («Klosteret ved vegen»[6]), skildra som «eit av dei finaste gravliknande monumenta i landet».[7][8][9] Då det vart vitja i 1873, vart det skildra med tre kammer.[7] Søylegangen hadde ein 15 meter lang dorisk karniss i front, og var støtta opp av to joniske søyler og to pilasterar.[10] I desse var det skore inn 15 triglyfar og 14 rosettar, der alle rosettane hadde forskjellig utforming. Det såg ut som om arbeidet ikkje var ferdig.[10] Veggane av søylegangen var skoren slik at det likna eit uregelmessig murverk.[11] Strukturen hadde stor likskap til somme av gravene i Jerusalem, som er daterte til det førte hundreåret evt.[11]
Kulat Ferdus endre
Kulat Ferdus er eit tårn midt i landsbyen kalla opp etter ein konge som er gravlagd i sør (ved sidan av Deir ed Derb). I 1873 vart det skildra som busett og i særs god tilstand. Det var opp mot 10 meter høgt. Bygningen verka å vere frå bysantinsk tid, og kanskje eldre.[12]
Burj el-Yakhur endre
Burj el-Yakhur er eit to etasjar høgt tårn, i den øvre delen av landsbyen, i sør.[5][12] Murane er 3-3,5 meter tjukke. I følgje Pringle er tårnet datert til krossfarartida.[13][14]
Historie endre
Amr ibn al-A'as, ein kjend arabisk kommandant i Rashidunarmeen, skal ha blitt skadd i landsbyen. I følgje ei lokal segn vart det planta eit tre der blodet hans falt. Soga var skriven ned i landsbyhistoria i 1919.[15] I 1225 skreiv den arabiske geografen Yaqut al-Hamawi at Qarawat Bani Hassan var «ein landsby i Nablus sanjak.»[16]
I 1596 var Qarawat Bani Hasan oppført i osmanske skattelister som ein del av Jabal Qubal nahiya i Nablus liwa. Han eit folketal på 13 hushaldningar og tre ungkarar, alle muslimar. Landsbybuarane betalte skatt for kveite, bygg, sommaravlingar, oliventre, geiter og bikubar.[17]
Den franske oppdagaren Victor Guérin vitja landsbyen i 1870, og estimerte at han hadde kring 150 innbyggjarar. Han skildra landsbyen som ein stad i forfall, men med restar etter ei betre tidlegare tid. Medan han var der kom ein tropp bashi-bazoukar og henta 35 landsbybuarar og tok dei med til Nablus, sidan dei ikkje hadde betalt skatt.[18] I «Survey of Western Palestina» frå 1881, vart landsbyen (kalla Kurawa Ibn Hasan) skildra som:
delvis i ruinar, men tydeleg at det ein gong har vore ein viktig stad, med eldgamle graver, ei særleg vakker, og nokre enkle steintårn. Det gamle namnet vart av dei innfødde kalla Sham et Tawil. Den vesle moskeen Sheikh 'Aly el 'Amanat står visstnok over apsisen til ei kyrkje. Vassforsyninga kjem frå brunnar og cisterner.[19]
I ei folketeljing i 1922 utført av Dei britiske mandatstyresmaktene hadde Qarawa ein fullstendig muslimar folkesetnad på 313,[20] medan Qarawa i folketeljinga i 1931 hadde 89 busette hus og eit folketal på 352, framleis alle muslimar.[21] I 1945 var folketalet 450 medan det samla landarealet var 9 685 mål, i følgje ei offisiell landmåling.[22] Av dette var 105 for plantasjar og irrigert land, 2 820 for korn,[23] medan 30 mål var klassifisert som utbygde område.[24]
Kjelder endre
- Denne artikkelen bygger på «Qarawat Bani Hassan» frå Wikipedia på engelsk, den 20. september 2015.
- Wikipedia på engelsk oppgav desse kjeldene:
- Barron, J. B., red. (1923). Palestine: Report and General Abstracts of the Census of 1922. Government of Palestine.
- Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund.
- Claudine, Dauphin (1998). La Palestine byzantine, Peuplement et Populations, Vol. III : Catalogue. BAR International Series 726. Oxford: Archeopress.
- Guerin, Victor (1875). Description Géographique, Historique et Archéologique de la Palestine. Vol2: Samarie, pt 2.
- Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral
- Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft.
- Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine.
- Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund.
- Pringle, Denys (1997), Secular buildings in the Crusader Kingdom of Jerusalem: an archaeological Gazetter, Cambridge University Press
- le Strange, Guy (1890), Palestine Under the Moslems: A Description of Syria and the Holy Land from A.D. 650 to 1500, Committee of the Palestine Exploration Fund
- ↑ Palmer, 1881, s. 238
- ↑ New House Demolitions Threats in Qarawat Bani Hassan landsby Arkivert 2011-05-19 ved Wayback Machine. Applied Research Institute - Jerusalem. 2007-08-05.
- ↑ Dauphin, 1998, s. 807
- ↑ picture 1
- ↑ 5,0 5,1 Conder og Kitchener, 1882, s. 358
- ↑ Palmer, 1881, s. 228
- ↑ 7,0 7,1 Conder og Kitchener, 1882, s. 313
- ↑ picture 2
- ↑ picture 3
- ↑ 10,0 10,1 Conder og Kitchener, 1882, s. 314
- ↑ 11,0 11,1 Conder og Kitchener, 1882, s. 315
- ↑ 12,0 12,1 Conder og Kitchener, 1882, s. 359
- ↑ Pringle, 1997, s. 7
- ↑ Pringle, 1997, s. 85
- ↑ Qarawat Bani Hassan Village Profile International Women's Peace Service. (Archive)
- ↑ al-Hamawi sitert i le Strange, 1890, s. 480.
- ↑ Hütteroth and Abdulfattah, 1977, s. 132.
- ↑ Guérin, 1875, s. 174 ff
- ↑ Conder og Kitchener, 1882, s. 285
- ↑ Barron, 1923, Table IX, UnderNablus sanjak, s. 26
- ↑ 1931 Det britiske mandatet Census. s. 63.
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 60
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 107
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 157
