Qu Yunxia

Qu Yunxia (fødd 25. desember 1972) er ein kinesisk tidlegare friidrettsutøvar frå Liaoning-provinsen som vart verdsmeister på 3 000 meter i 1993 og tok bronsen på 1500 m under Sommar-OL 1992.

Qu Yunxia
Statsborgarskap	Folkerepublikken Kina
Fødd	25. desember 1972 (51 år) Jinzhou
Idrett	friidrett
Tok del i	Sommar-OL 1992

Aktiv

Qu vart lagt til merke fyrste gongen då ho vann 1500 m under junior-VM 1990 i Plovdiv, 17 år gammal. To år seinare tok ho bronsemedaljen på 1500 meter då Sommar-OL 1992 fann stad i Barcelona, like bak russiske Ljudmila Rogatsjova, men klart slått av gullvinnar Hassiba Boulmerka frå Algerie. Året etter vann Qu 3 000-meteren under VM i friidrett 1993 i Stuttgart, to landskvinner plukka dei andre medaljane. Den 9. november 1993 sette ho med den fabelaktige tida 3.50,46 ny verdsrekord på 1500 meter under Kina-leikane i Beijing. Eit par dagar seinare i dei same leikane vart ho nummer to på 3000 m med tida 8.12,1, ti sekundar under gamle verdsrekorden til Tatjana Kazankina, men likevel seks sekundar bakom vinnaren, Wang Junxia.

Verdsrekorden på 1500 m vart ståande til etiopiske Genzebe Dibaba sletta den sommaren 2015.

Medaljar og plasseringar i internasjonale meisterskap

• OL 1992 i Barcelona: Bronsemedalje på 1500 m – 3.57,0
• VM 1993 i Stuttgart: Gullmedalje på 3 000 m – 8,28,7, framom Zhang Linli (8.29,2)

Kjelder

• Denne artikkelen bygger på «Qu Yunxia» frå Wikipedia på tysk, den 23. mai 2018.