Question
| Question av The Moody Blues frå albumet A Question of Balance | ||
| B-side |
«Candle of Life» | |
|---|---|---|
| Utgjeve | 24. april 1970 | |
| Innspelt | 25. desember 1969 - 24. januar 1970 | |
| Sjanger | Progressiv rock | |
| Lengd | 5:44 (album) 4:55 (singel) | |
| Selskap | Threshold Records | |
| Låtskrivar(ar) | Justin Hayward | |
| Produsent | Tony Clarke | |
| The Moody Blues-kronologi | ||
| «Watching and Waiting» (1969) |
Question | «The Story in Your Eyes» (1971)
|
«Question» er ein song frå 1970 av det engelske progrockbandet The Moody Blues. Han vart skriven av gitarist Justin Hayward, som syng solovokal på songen. «Question» vart gjeven ut på singel i april 1970, og seinare på albumet A Question of Balance.
Opphavleg heitte songen òg «A Question of Balance», men tittelen vart forkorta til «Question». Songen var politisk ladd og omhandla Vietnamkrigen.
På denne tida var «Question» ei enkel innspeling for Moody Blues. Det førre albumet deira, To Our Children's Children's Children, hadde songar med så mange forskjellige lydar og dobbeltspor at det ikkje var mogeleg å framføre songane på konsertar. På grunn av dette vart «Question» spelt inn i eitt enkelt opptak, utan å legge på ekstraspor i etterkant, slik at songen kunne framførast live.
Singelen hadde «Candle of Life» som B-side, som var frå det førre albumet til Moody Blues, To Our Children's Children's Children.
«Question» er ein av dei mest populære songane til Moody Blues, og har vore med på nesten alle samle- og live-albuma deira. I tillegg er songen vorten gjeninnspelt (saman med «Isn't Life Strange») i studio med London Symphony Orchestra, som allereie hadde laga ein orkesterversjon av han 1978) til Greatest Hits av The Moody Blues frå 1988.
Marillion-songaren Fish laga ein coverversjon av songen, vald ut som ein av dei personlege favorittane hans, til albumet Songs from the Mirror frå 1993.[1]
Medverkande
endre- Justin Hayward: akustisk gitar, solovokal
- John Lodge: bassgitar, korvokal
- Mike Pinder: mellotron, korvokal
- Ray Thomas: tamburin, korvokal
- Graeme Edge: trommer, perkusjon
Lister
endre| År | Liste | Plassering |
|---|---|---|
| 1970 | UK Singles Chart | 2 |
| Billboard Hot 100 | 21 |
Kjelder
endre- ↑ Mawer, Sharon. «Songs from the Mirror». AllMusic. Henta 27. august 2015.
Bakgrunnsstoff
endre- Question ved Songfacts.com