Rabbit Islands

Rabbit Islands frå Coldbackie

Rabbit Islands eller Eileanan nan Gall er tre små øyar i Tongue Bay utanfor nordkysten av Sutherland i Skottland. Øyane høyrer til Tongue sokn. Dei er ein populær stad for dykking.

Geografi

Øyane sett frå Ard Skinid nær Talmine.

Rabbit Islands er forholdsvis flate og smale, og ligg i ei nordaustgåande rekkje langs Tongue Bay. Dei ligg nær Coldbackie, Melness og Talmine på fastlandet, medan øya Eilean nan Ròn ligg i nordaust.

Rabbit Islands består av sandstein. Jordsmonnet er sandhaldig, og høver godt til å grava gangar i for dei mange kaninane som held til på øyane, og står bak det moderne engelske namnet deira. «Rabbit Islands» tyder 'kaninøyane'. Kaninane blei introdusert til øyane på 1700-talet for kjøtproduksjon. Ein har også brukt øyane som beite til andre husdyr.

Det skotsk-gæliske namnet «Eileanan nan Gall» tyder 'framandøyane'. Namnet skal visa til dei framande vikingane som steig iland øyane, som gjev ei god naturleg hamn.

Den nordlegaste øya heiter Sgeir an Òir, 'gullskjeret'. Visstnok skal eit skip som førte gull til «Bonnie Prince Charlie» ha forlist i nærleiken. Nord på denne øya finst ein naturleg boge kalla Claigeann na Sgeir ('Bjølla på skjeret').

Kjelder

• Groome, Francis H. (1892-6), «Rabbit Islands», Ordnance Gazetteer of Scotland, "Rabbit Islands" (2 utg.), London: William McKenzie, s. 233 
• «ROUTE 22: Inverness to Thurso», The A2B Travel Guide of Scotland, A2B Publishing 

• Denne artikkelen bygger på «Rabbit Islands, Scotland» frå Wikipedia på engelsk, den 24. februar 2010.
  • Wikipedia på engelsk oppgav desse kjeldene:
    • (1984) AA Illustrated Guide to Britain's Coast. Drive Publications/Automobile Association
    • Groome 1892-6

Fotnotar