Eilean nan Ròn

Eilean nan Ròn (skotsk-gælisk for 'seløya') er ei øy nær Tongue nord i Sutherland i Skottland. Øya har fått namn etter gråselane som årleg føder hundretals selungar her. Ho er i dag folketom.

Eilean nan Ròn
Geografi
Stad	Atlanterhavet
Koordinatar	58.55°N 4.34°W / 58.55; -4.34
Areal	1,38 km²
Høgaste punkt	Cnoc an Loisgein (76 moh.)
Administrasjon
Land	Skottland
Region	Highland
Demografi
Folketal	0

Båt ved Port na h-Uaille på Eilean nan Ròn.

Historie

Eilean nan Ròn blei folkesett av leiglendingar som var blitt drivne frå heimane sine under Highland clearances. I 1881 budde det 73 menneske her. Innbyggjarane forlèt øya i løpet av 1930-talet, dei siste tolv i desember 1938. Ein kan sjå ruinar av busetnadane på midten av øya, mellom Mol na Coinnle og Mol Mòr.

Geografi og geologi

Øya er ikkje teknisk sett ein del av Hebridane, sidan ho ligg for langt mot nord. Øya består hovudsakleg av sandstein med bratte klipper i nord og aust, og ein naturleg boge ved Leathad Ballach, som er 50 meter høg og 22 meter brei. Dei høgaste punkta er Cnoc an Loisgein på 76 meter over havet og Cnoc na Caillich på 75 meter over havet.

Det ligg fleire holmar og småøyar utanfor Eilean nan Ròn. Av desse finn ein tidvassøya Eilean Iosal og bortanfor den, Meall Thailm. I sørvest ligg An Innis. Rabbit Islands ligg i Tongue Bay i sørvest.

Dyreliv

Som namnet viser til, held gråsel til på Eilean nan Ròn. Det kjem hundrevis av sel her om hausten for å føde. Om lag 350 selungar vert fødde kvart år. Det finst òg mykje sjøfugl på øya.

Kjelder

• Groome, Francis H. (1892-6), Ordnance Gazetteer of Scotland, W. & A.K. Johnstone 
• The Northern Times (22 May, 2008), Nostalgic return to Eilean nan Ron for Kitty  CS1 maint: Date and year (link)

• Denne artikkelen bygger på «Eilean nan Ròn» frå Wikipedia på engelsk, den 24. februar 2010.
  • Wikipedia på engelsk oppgav desse kjeldene:
    • Haswell-Smith, Hamish (2004), The Scottish Islands, Edinburgh: Canongate, ISBN 1841954543 
    • Undiscovered Scotland (2010), Talmine, henta 24. februar 2010 

Fotnotar