Reschensee

Reschensee (italiensk Lago di Resia) er ein kunstig innsjø vest i provinsen Bolzano i Italia nær Reschenpass og 2 km frå grensa til Austerrike. Med ein kapasitet på 120 millionar kubikkmeter vatn er han den største innsjøen i Sør-Tyrol. Han får vatn frå Adige (Etsch), Rojenbach og Karlinbach og renn ut vidare gjennom Adige.

Reschensee
innsjø
Klokketårnet i Reschensee
Land	Italia
Provins	Bolzano
Innsjøtype	Reservoar
Tilsig	Adige
Utløp	Adige
Høgd over havet	1498 moh.
Areal	6,6 km²
Største djupn	28 m
Koordinatar	46°48′N 10°31′E
Byar	Graun im Vinschgau
Reschensee 46.801°N 10.531°E / 46.801; 10.531
Wikimedia Commons: Reschensee

Det vart lagt planar om ein mindre (5 meter djup) kunstig innsjø i 1920-åra. I juli 1939 la selskapet Montecatini (i dag Edison Energia) fram ein ny plan om ein 22 meter djup innsjø, som ville gjere innsjønae Reschensee og Graunsee om til ein innsjø og legge fleire landsbyar under vatn, inkludert Graun (it. Curon) og delar av Reschen (it. Resia). Bygginga av demninga starta i april 1940, men på grunn av den andre verdskrigen og lokal motstand vart han ikkje ferdig før i juli 1950. Totalt vart 164 heimar og 523 hektar med oppdyrka mark lagt under vatn. Staden hadde vore busett sidan romartida.

Toppen av eit kyrkjetårn frå 1300-talet er framleis synleg. Om vinteren når innsjøen frys til er det mogeleg å gå til kyrkjetårnet.

Galleri

• 
  Sommar - Klokketårnet under vatn
• 
  Vinter - Klokketårnet omgjeve av is
• 
  Utsyn mot fjellovergangen Reschenpass

Bakgrunnsstoff

Wikimedia Commons har multimedia som gjeld: Reschensee

• Reiseguide
• Historia om bygginga

Kjelde

• Denne artikkelen er basert på ei omsetjing av artikkelen Lake Resia frå Engelsk Wikipedia .