Reuben Kosgei

Reuben Seroney Kosgei (fødd 2. august 1979) er kenyansk tidlegare hinderløpar frå Kapsabet i Marakwet-distriktet som vart olympisk meister i 3000 meter hinder i 2000 og verdsmeister i 2001.

Reuben Kosgei
Statsborgarskap	Kenya
Fødd	2. august 1979 (45 år) Kapsabet
Idrett	friidrett
Tok del i	Sommar-OL 2000, Samveldeleikane 2006

Aktiv

Kosgei vann 3000 meter hinder då juniorverdsmeisterskapen 1998 fann stad i Annecy. To år seinare sprang han inn til gullmedalje i hinderløpet under dei olympiske leikane 2000 i Sydney. Sommaren 2001 sette han personleg rekord med tida 7.57,2 under eit stemne i Brussel, og han vann 3000 meter hinder i verdsmeisterskapen i Edmonton.

Ved VM 2003 i Paris kvalifiserte Kosgei seg til finalen i hindertevlinga, ein finale han ikkje fullførte. I 2006 kom han tilbake i eit stort meisterskap og tok tredjeplassen i 3000 m hinder ved samveldeleikane i Melbourne, slått i spurten av landsmennene Ezekiel Kemboi og Wesley Koech.

Medaljar og plasseringar i internasjonale meisterskap

• OL 2000 i Sydney: Gullmedalje – 8,21,4, framom Wilson Boit Kipketer (8.21,7)
• VM 2001 i Edmonton: Gullmedalje – 8.15,1, framom Ali Ezzine (8.16,2)
• VM 2003 i Paris: Braut finalen – nr 14

Kjelder

• Denne artikkelen bygger på «Reuben Kosgei» frå Wikipedia på engelsk, den 30. august 2016.