Ricochet av Tangerine Dream
| Ricochet Konsertalbum av Tangerine Dream | ||
| Utgjeve | Desember 1975 | |
| Innspelt | Oktober 1975 (studio) 23. oktober 1975 (live) | |
| Studio | The Manor Studio i England | |
| Spelestad | Fairfield Halls i Croydon i London | |
| Sjanger | Elektronisk, kosmische musik | |
| Lengd | 38:15 | |
| Selskap | Virgin | |
| Produsent | Tangerine Dream | |
| Tangerine Dream-kronologi | ||
|---|---|---|
| Rubycon (1975) |
Ricochet | Stratosfear (1976)
|
Ricochet er det sjuande albumet og det første konsertalbumet til det tyske electronicabandet Tangerine Dream. Albumet kom ut i 1975. Det består av to lange komposisjonar miksa frå opptak frå konsertar i England og Frankrike hausten 1975. Stilen er mykje lik dei andre platene dei gav ut på Virgin Records i denne perioden, med stor vekt på synthesizerar og sekvenserar til å skape eit tett ambient lydlandskap. På Ricochet vert det nytta meir perkusjon og elektrisk gitar enn på dei førre albuma Phaedra og Rubycon, på grensa til elektronisk rock. Den største innovasjonen på albumet er bruken av komplekse rytmar i fleire lag, noko som varsla om retninga bandet tok i 1980-åra, men òg trance-musikk og likande sjangrar innan elektronisk dansemusikk.
| Meldingar | |
|---|---|
| Karakter | |
| Kjelde | Karakter |
| AllMusic |   [1] |
Mykje av råmaterialet for Ricochet, særleg del 2, vart spelt inn i Fairfield Halls i Croydon i London, under konserten deira der i oktober 1975. Den originale, uredigerte versjonen av opptaket kan høyrast i sett 3 av The Bootleg Box Set Vol. 1.[2] Kvar dei andre opptaka vart henta frå har det så langt ikkje vore mogeleg å finne ut av.
Etter at både Phaedra og Rubycon hadde nådd Topp 20 på albumlista i Storbritannia, gjorde Ricochet det mindre bra, og låg berre fire veker inne på salslista med ein 40. plass som høgaste plassering.[3] I nyare tid har derimot Ricochet vorte trekt fram som eit av dei mest populære Tangerine Dream-albuma.[4]
Innhald
endre| Nr. | Tittel | Lengd |
|---|---|---|
| 1. | «Ricochet, Part One» | 17:02 |
| Nr. | Tittel | Lengd |
|---|---|---|
| 1. | «Ricochet, Part Two» | 21:13 |
Medverkande
endre- Peter Baumann – klaverinstrument
- Chris Franke – klaverinstrument, trommer
- Edgar Froese – klaverinstrument, gitar
Singlar
endreTo singlar vart gjevne ut i Frankrike og Australia med utdrag frå albumet:
- «Ricochet (Part I)» – «Ricochet (Part II)»
- «Excerpt From Ricochet»
Kjelder
endre- ↑ Swan, Glenn. Ricochet av Tangerine Dream på Allmusic
- ↑ Paul, Russell (2003). "Tangerine Dream Live in the 70s" [CD booklet]. Album notes for Bootleg Box Set Vol. 1 av Tangerine Dream. London: Sanctuary Records Group.
- ↑ «Tangerine Dream - Ricochet». Chart Stats. Arkivert frå originalen 24. juli 2012. Henta 17 June 2009.
- ↑ Retrieved December 2010 from http://rateyourmusic.com/artist/tangerine_dream