Ridespore
Ein ridespore eller berre spore er ein metallbøyle med spiss eller eit takka hjul bak som kan spennast fast til støvlehælen til ein ryttar. Sporen blir brukt til å driva fram og styra hesten ved å forsterka sjenkelverknaden når ein rir, ein «sporar» hesten. I eldre tid var sporar symbol for ryttarar, og i riddartida bar væpnaren sølvsporar og riddaren gullsporar som teikn på verdigheit.
I overført tyding kan ein også i dag snakka om å «spora» nokon til innsats.
Kjelder
endre- Spore: ridning (15. februar 2009), Store norske leksikon. Fri artikkel henta 7. februar 2014.
- «Spore» i Nynorskordboka.
