Rolf Falk-Larssen

Rolf Falk-Larssen (fødd 21. februar 1960) er ein norsk tidlegare skeiseløpar frå Trondheim. Han vart verdsmeister på skeiser i 1983 og vann fem norske meisterskap i tida 1982-88. Falk-Larssen var medlem av Trondhjems Skøiteklub.

Rolf Falk-Larssen
Statsborgarskap	Noreg
Fødd	21. februar 1960 (64 år) Trondheim
Idrett	lengdeløp på skeiser
Tok del i	Vinter-OL 1988, Vinter-OL 1984
Utmerkingar	Olavstatuetten, Oscarstatuetten

Falk-Larssen slo gjennom i 1982-sesongen med andreplass under EM i Oslo, fattige 0,021 poeng bakom europameister Tomas Gustafson frå Sverige. Fire veker seinare kom han på tredjeplassen i firkamp-VM i Assen, før han i mars månad på Oppdal vann den fyrste av fire strake NM-titlar i firkamp.

Helga 12. og 13. februar 1983 gjekk Falk-Larssen heilt til topps under VM i firkamp på Bislett stadion. Etter å ha vunne dei tre fyrste distansane hadde han sikra seg VM-tittelen. Han fullførte meisterskapen med ein svak 10 000 meter, og opplevde som hittil einaste norske skeise-verdsmeister å verte bua ut for innsatsen. I 1984 vart han for andre og siste gong nummer to i EM på skeiser, og som to år tidlegare var Hilbert van der Duim hans overmann.

Falk-Larssen heldt fram på det norske landslaget til 1988, utan han nådde opp i internasjonale tevlingar.

Kjelder

• Denne artikkelen bygger på «Rolf Falk-Larssen» frå Wikipedia på bokmål, den 5. november 2016.