Ronaldo

Ronaldo må ikkje forvekslast med den portugisiske fotballspelaren Cristiano Ronaldo eller den brasilianske fotballspelaren Ronaldinho.

Ronaldo Luiz Nazário de Lima (fødd 22. september 1976) er ein brasiliansk tidlegare fotballspelar frå Rio de Janeiro. Ronaldo var ein av verdas beste fotballspelarar i åra kring 2000.

Ronaldo

Personleg informasjon
Fullt namn	Ronaldo Luiz Nazário de Lima
Kallenamn	Ronaldo
Fødd	22. september 1976
Fødestad	Rio de Janeiro
Høgd	183 cm
Posisjon	Angrepsspelar
Seniorkarriere*
År	Lag	Kampar (Mål)
1993 1994-1996 1996-1997 1997-2002 2002-2007 2007-2008 2009-2011	Cruzeiro PSV Eindhoven FC Barcelona Internazionale Real Madrid AC Milan Corinthians	14 (12) 46 (42) 37 (34) 68 (49) 127 (83) 20 (9) 31 (18)
Landslag
1994-2011	Brasil	97 (62)
* Seniorklubbkampar og mål berre telt for nasjonal liga

Karriere

Ronaldo sin sportskarriere starta som tiåring i eit lokalt brasiliansk lag. I 1993 starta den vaksne karrieren hans i brasilianske Cruzeiro. Allereie året etter debuterte han for internasjonal fotball i nederlandske PSV Eindhoven. Same året kom han med på det brasilianske landslaget, som han spelte for heilt til han pensjonerte seg frå proff-fotballen. Han var med i troppen til Brasil både i Fotball-VM 1994, Fotball-VM 1998, Fotball-VM 2002 og Fotball-VM 2006, og skåra mål i dei tre seinaste meisterskapane. Brasil vann to av dei, i 1994 og 2002. I 2002 vart Ronaldo attpåtil toppskårar med åtte mål. Til saman skåra han heile femten mål i verdscupen, noko som er verdsrekord. Den førre rekorden var på fjorten mål, sett av Gerd Müller.

På klubbnivå spela han for fleire lag i Spania og Italia frå 1994 - 2008. I 2009 vendte han nasen heim att mot Brasil og spelte for klubben Corinthians dei siste åra av karrieren sin. Ronaldo trekte seg tilbake frå profesjonell fotball i 2011 grunna helseplager. Den siste kampen hans var ein venskapskamp mot Romania som fann stad i São Paulo.

Kjelder

• Denne artikkelen byggjer på «Ronaldo» frå Wikipedia på engelsk, den 26. april 2011.