Särna

Särna er ein tettstad i Älvdalens kommun lengst nord i Dalarna, ved Österdalälven, nær norskegrensa. Staden hadde i 2006 ifylgje SCB 768 innbyggjarar. Hovudnæringa er turisme. Gjennom Särna går riksväg 70 og Länsväg 311 (Sälen – Tännäs)

Särna

Historie

Särna (Serne) låg før under Noreg, men blei i 1644 okkupert av 200 svenske bønder leidde av presten Daniel Buskovius, og sidan låg bygda under Sverige saman med grannebygda Idre. Danmark–Noreg godtok offisielt denne overgangen fyrst ved grenseoppgangen i 1751, men slik at vestdelen av ålmenningen til dei to bygdene fall til Noreg; den høyrer i dag Engerdal til. Like nordvest for Särna ligg Njupeskär, den høgaste fossen i Sverige (125 m med 93 m i fritt fall).

Målet i Särna vert rekna til dei norske øysterdalsmåla.

Särna hadde jernbanetilknyting gjennom Limedsforsen-Särna Järnväg 1928–1972

Sjå òg

• Särna församling
• Älvdalens kommun

Kjelder

• Denne artikkelen bygger på «Särna» frå Wikipedia på bokmål, den 3. august 2012.

Bakgrunnsstoff

• Mer informasjon om Särna Arkivert 2008-01-02 ved Wayback Machine.
• Särna Turistbyrå og Camping
• Särna Turism
• Särna församling og Kyrka Arkivert 2007-09-06 ved Wayback Machine.