Sæmund Vik
Sæmund Halvorsen Vik (22. mars 1834–28. desember 1896) var ein norsk lærar, prest og stortingsmann.
| Sæmund Vik | |
| Fødd | 22. mars 1834 Kristiansund kommune |
|---|---|
| Død | 28. desember 1896 (62 år) |
| Statsborgar av | Noreg |
| Parti | Venstre |
| Yrke | politikar, prest, lærar |
| Alle verv |
|
Vik var fødd i Kristiansund, oppvaksen i Frei der far hans var gardbrukar. Han vart uteksaminert frå Klæbu seminar i 1853 og vart student i 1857. I 1861 vart han cand. theol. Styrar av den høgare allmennskulen på Røros frå 1863, seks år seinare vart han styrar av ein folkehøgskule på Nordmøre. 1872-76 stiftskapellan i Trondheim, deretter fem år residerande kapellan i Inderøy. Sokneprest i Aure på Nordmøre 1881-84.
Vik vart vald til 5. representant frå Romsdals amt på Stortinget 1883-85. Han var permittert frå 3. mars 1883 og ut sesjonen. I 1884 møtte han på stortinget, i 1885 hadde han sjukdomsforfall.
Etter 1884 budde Vik dels på ein gard han eigde i Orkdal, dels i Trondheim. Han døydde ugift i Kristiania.
Kjelder Endra
- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Sæmund Vik NSD Norsk senter for forskningsdatas politikararkiv